ADN,IP KONTINUA HALA’O SOSIALIZASAUN LIVRU ESTANDARIZASAUN TL-SUP IHA MUNISÍPIU LIQUISA NO BOBONARO
- Publika husi: David
- Loron: 24/Aug/2021
ADN,IP KONTINUA HALA’O SOSIALIZASAUN LIVRU ESTANDARIZASAUN TL-SUP IHA MUNISÍPIU LIQUISA NO BOBONARO
Bobonaro, 24 Agostu 2021.
Diretór Adjuntu Ajénsia Dezenvolvimentu Nasionál, Institutu Públiku (ADN, IP) Eng. Januario M. Guterres hamutuk ho Ekipa Unidade Estudus Dezenvolvimentu Kopetensias (UEDK) kontinua hala’o Sosializasaun ba Livru Estandarizasaun Presu Unitariu (TL-SUP) iha sala reuniaun edifisiu Administrativu Munisípal Bobonaro. Tersa (24/08).
ADN kontinua hala’o Sosializasaun durante loron 2 (23 - 24) iha Munisípiu Liquisa no Bobonaro Objetivu ADN kontinua hala’o sosializasaun ne’e atu kolabora hamutuk ho parseiru téknikus no kompañia sira hodi utiliza padraun presu unitariu hanesan matadalan ida ba konstusaun sira.
Padraun ne’e hanesan sasukat ba projetu konstrusaun ida tuir kustu ne’ebé mak iha, hanesan presu material konstrusaun, tarifa ba equipamentus pejadus, salariu ba trabalhador, no tarifa trasporte no slt, ne’ebé mensiona iha livro Timor Leste Standard Unit Price (TL-SUP). Atu parte hotu-hotu ne’ebe involve iha projetu konstrusaun no dezenvolvimentu la'o tuir sasukat ida ne’ebe iha ona.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;