DIRETÓR EZEKUTIVU ADN PARTISIPA VIRTUAL REUNIAUN EXTRAORDINARIA CAFI
- Publika husi: David
- Loron: 27/Aug/2021
DIRETÓR EZEKUTIVU ADN PARTISIPA VIRTUAL REUNIAUN EXTRAORDINARIA CAFI
Dili, 27 Agostu 2021
Diretór Ezekutivu Ajénsia Dezenvolvimentu Nasionál Institutu Públiku (AND, IP) Eng. Mariano Renato M. da Cruz akonpaña hosi Adjuntu Diretór Ezekutivu ADN Eng. Januario M. Guterres no Koordenadora Unidade Valiasaun Projetus (UVP) Eng. Melenia da Costa Barros partisipa iha Virtual Reuniaun Extraordinária Conselho de Administração do Fundo das Infraestruturas (CAFI) kona-ba resultadu husi diskusaun tékniku nian ho assuntu “Issue Ongoing Project” e Status Projetu sira ne’ebé seidauk iha kontratu”ne’ebé hala’o iha sala reuniaun Diretór Ezekutivu ADN Fatuhada Dili, Sesta (27/08).
Virtual reuniaun extraordinária CAFI ne’e atu hato’o hikas resultadu reuniaun Pre-CAFI ne’ebé hala’o iha loron 14-28 de Julho 2021 ho Liña Ministeriais sira, baseia ba karta S.E. Presidenti CAFI nian ho No Ref. 22-48/CAFI/VII/2021, data 5 de Julho, ho assuntu averiguação de projecto de infraestruturas sem execução.
Secretariado dos Grandes Projetos (SGP) apresenta resultadu husi reuniaun pre-CAFI ne’ebé hala’o ho Liña Ministeriu (LM) sira, liu-liu sira ne’ebé seidauk konsegue diskuti iha ajenda reuniaun CAFI semana kotuk nian (16, 18 e 19 de Agostu), ba projetu Fundu Infraestrutura (FI) sira ne’ebé hassoru hela problema iha faze implementasaun.
Iha parte ne’e nesesita atu liña Ministeriais (LM) sira hato’o justifikasaun ba CAFI hodi bele resolve projetu sira ne’ebé identifika ona durante reuniaun tékniku ba projetu sira ne’ebé em andamentu nomós seidauk iha kontratu.
Enkuantu Diretór Ezekutivu ADN iha nia intervensaun katak, ba dokumentus sira ne’ebé tama ona, parte ADN nian halo hela verifikasaun, no iha dokumentus balun ne’ebé ADN revolve fila fali tanba dokumentus refere seidauk kompleta husi tékniku sira, nune’e ADN nia parte nafatin halo aprosimasaun hodi komunika ho entidade relevante sira.
Alen ne’e Liña ministeriais sira ne’ebé hassoru problema iha ezekusaun projetu Fundu Infraestruturas nian sei aprezenta justifikasaun tékniku no legal ba CAFI relasiona ho assuntu sira ne'ebé presiza duni CAFI e CdM nian desizaun ka rezolusaun.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;