TÉKNIKU ADN MUNISÍPIU HALA’O MONITORIZASAUN BA KONSTRUSAUN ISOLAMENTU NO LABORATORIUM COVID-19
- Publika husi: David
- Loron: 24/Aug/2021
TÉKNIKU ADN MUNISÍPIU HALA’O MONITORIZASAUN BA KONSTRUSAUN ISOLAMENTU NO LABORATORIUM COVID-19
Covalima, 24 Agostu 2021.
Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Tékniku Edifikasaun Munisípiu Covalima Eng. Madelino D. J. Magno no Eng. Prezenzio L. C. D. Ximenes hala’o monitorizasaun ba Projetu Konstrusaun Edifisiu Isolamentu iha Ospital Referel Suai. Tersa (24/08).
Objetivu tékniku ADN hala’o monitorizasaun ne’e hodi hare’e progresu servisu iha tereñu ne’ebé implementa ona husi kompañia ROMAN JUNIOR Unip. Lda agora daudauk obra konstrusaun ne’e seidauk kontinua hala’o servisu tanba iha terrenu material konstrusaun la iha ona, hodi nune’e trabalhador sira labele hala'o servisu, konstrusaun refere ho nia progresu fijiku atinji ona pursetu 48.
Iha fatin hanesan, tékniku ADN mós hala’o monitorizasaun ba Projetu Konstrusaun Edifisiu Mini Laboratorium Covid-19, obra konstrusaun ne'e ho nia progresu fijiku atinji ba pursentu 65, ne’ebé responsabeliza husi kompañia MANUBEY Unip. Lda.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;