TÉKNIKU ADN MUNISÍPIU PARTISIPA SERIMONIA INAGURASAUN NO HALA’O INSPEKSAUN HODI MONITORIZA KONSTRUSAUN ISOLAMENTU NO MINI LABORATORIUM COVID-19
- Publika husi: David
- Loron: 23/Sep/2021
TÉKNIKU ADN MUNISÍPIU PARTISIPA SERIMONIA INAGURASAUN NO HALA’O INSPEKSAUN HODI MONITORIZA KONSTRUSAUN ISOLAMENTU NO MINI LABORATORIUM COVID-19
Covalima, 23 Setembru 2021.
Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Ekipa Tékniku Munisípiu Covalima partisipa serimonia inagurasaun projetu konstrusaun Muru haleu ba Cimiterio Holbelis. Kinta (23/09).
Konstrusaun refere fináliza ona husi kompañia JOIA Unip. Lda iha dia 12 Jullu tinan ida ne’e, ne’ebé hetan inagurasaun husi Ministro Petróleo e Minerais hanesan nain ba projetu refere, serimonia ne’e partisipa mós Presidente Timor Gap, Presidente ANPM, Presidente IPG,IP, Autoridade lokal no komunidade sira.
Hafoin ne’e Ekipa Tékniku kontinua hala’o inspeksaun hodi monitoriza Projetu Konstrusaun Edifisiu Isolamentu no Konstrusaun Mini Laboratorium Covid-19 iha Ospitál Referal Suai.
Objetivu husi inspeksaun no monitorizasaun ne’e, hodi haree progresu servisu iha terrenu ne’ebé mak implementa ona husi kompañia sira ba iha obra konstrusaun refere.
Konstrusaun edifisiu isolamentu ne’e responsabeliza husi kompañia ROMAN JUNIOR Unip. Lda, no konstrusaun edifisiu Mini Laboratorium responsabeliza husi kompañia MANUBEY Unip. Lda.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;