TÉKNIKU ADN MUNISÍPIU HALA’O INSPEKSAUN FINÁL BA EDIFISIU LABORATORIUM COVID-19
- Publika husi: David
- Loron: 09/Sep/2021
TÉKNIKU ADN MUNISÍPIU HALA’O INSPEKSAUN FINÁL BA EDIFISIU LABORATORIUM COVID-19
Aileu, 09 Setembru 2021.
Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Tékniku Edifikasaun Munisípiu Aileu Eng. Merinho Cuco L. de Araujo hamutuk ho Tékniku Ministériu Saúde no Diretór kompañia hala’o inspeksaun konjunta ba Projetu Konstrusaun Edifisiu Laboratorium Covid-19 CHC Aileu Vila. Kinta (09/09).
Objetivu tékniku ADN hala'o inspeksaun ne’e, hodi hare’e progresu aktuál iha terrenu ba obra konstrusaun ne’ebé implementa ona husi kompañia JOMI Unip. Lda ho nia progresu fijiku atinje ona ba pursentu 100.
Edifisiu refere ho nia medida komprimentu 10 m no largura 6 m, kompostu husi sala 3 no Haris Fatin/Toilet 1,varanda 1 no sala administrasaun 1.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;