TÉKNIKU ADN MUNISÍPIU HALA'O INSPESAUN NO MONITORIZASAUN IHA TERRENU
- Publika husi: David
- Loron: 15/Oct/2021
TÉKNIKU ADN MUNISÍPIU HALA'O INSPESAUN NO MONITORIZASAUN IHA TERRENU
Manufahi, 15 Outubru 2021.
Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Ekipa Tékniku Edifikasaun Munisípiu Manufahi Eng. Fidelis M. da Costa hala’o inspesaun hodi monitoriza projetu konstrusaun Edifísiu Eskola Sekundária Téknika Vokasionál (ESTV) Akadiru-Hun. Sesta (15/10).
Ekipa Tékniku nia prezensa iha terrenu ne´e mak hala´o inspesaun no monitorizasaun, hodi haree direta progresu atuál ne’ebé iha loron-kinta, 7 outubru liu ba tékniku ADN observa katak iha defeitus balun mak hanesan (lampu avaria) iha momentu ne´eba tékniku ADN rekomenda kedas ba kompañia responsável ba obra ne´e atu hadi´a.
Entretantu hafoin liu semana ida ekipa tékniku ADN tun fali ba terrenu hodi verifika fali deifeitu sira maibé haree katak kompañia JOVA CONSTRACTION Unip. Lda responde ona pedidu ka rekomendasaun hodi hadi´a duni avaria hirak ne´e.
Alende ne´e mós tékniku ADN kontinua halo inspesaun no monitoriza projetu Jardin/Campa dos Herois ne’ebé kompañia seidauk hahú atividade servisu iha terrenu tanba tékniku kompañia ladauk hetan dezeñu husi responsável projetu ho razaun tanba sei halo mudansa ba item balun.
Iha biban hanesan tékniku ADN kontinua ba halo mós inspesaun no monitoriza projetu fornesimentu bee-moos ba bairro PNTL Same, maibé tékniku ADN observa katak projetu refers to´o agora atividade servisu ladauk realiza.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;