EKIPA TÉKNIKU ADN MUNISÍPIU ERMERA HALO INSPESAUN NO MONITORIZASAUN BA KOSTRUSAUN SIRA IHA TERRENU
- Publika husi: David
- Loron: 22/Oct/2021
EKIPA TÉKNIKU ADN MUNISÍPIU ERMERA HALO INSPESAUN NO MONITORIZASAUN BA KOSTRUSAUN SIRA IHA TERRENU
Ermera, 22 Outubru 2021:
Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Ekipa Tékniku Edifikasaun Munisípiu Ermera hala’o inspesaun hodi monitoriza prosesu trial mix betaun ba projetu New Construction Of Health Post & Doctor House Iha Hatulia Leten. Sesta (22/10).
Objetivu husi inspesaun no monitorizasaun ne’e, hodi akompaña prosesu trial mix betaun hodi halo uluk teste slump no foti amostra ba materiál espesifikasaun sira ne’ebé kompañia BIAMALI Unip. Lda atu uza hodi implementa ba konstrusaun refere atu nune’e bele hatene nia kualidade antes kompañia sira halo pengecoran ai-rin/kuluna ba iha konstrusaun ne’e.
Alende ne’e, Tékniku ADN mós kontinua halo inspesaun hodi monitoriza projetu New Construction of Izolation at CHC Gleno ne’ebé mak implementa husi kompañia SALIMAGU Unip. Lda.
Iha fatin hanesan, Tékniku ADN mós halo inspesaun no monitorizasaun ba iha projetu New Construction of Laboratory for Covid-19 at CHC Gleno ne’ebé mak responsabiliza hosi kompañia BEHALE INTERPRICE Unip. Lda.
Mídia ADN
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;