UCVQ NIA TÉKNIKU MUNISÍPIU HALA’O INSPESAUN NO MONITORIZASAUN BA OBRA KONSTRUSAUN SIRA IHA TERRENU

Ermera, 08 Novembru 2021.

Ajénsia Dezenvolvimentu Nasionál, Institutu Públiku (ADN, IP) Liu husi Unidade Kontrolu no Validasaun Kualidade nia Tékniku Edifikasaun Munisípiu Ermera hala’o inspesaun hodi Monitoriza projetu New Construction of Isolation at CHC Gleno. Segunda (08/11).

Objetivu tékniku ADN hala’o inspesaun no monitorizasaun ne’e, hodi haree progresu servisu iha terrenu ne’ebé mak implementa ona husi kompañia SALIMAGU Unip. Lda, ne’ebé dadaun ne’e konstrusaun refere ho nia progresu fiziku atinji ona pursentu 76.  

Alende ne’e mós, Tékniku ADN kontinua halo inspesaun hodi monitoriza projetu New Construction of Laboratory for Covid-19 at CHI Gleno, ne’ebé responsabiliza husi kompañia BEHALE INTERPRICE Unip. Lda, no daudaun ne’e progresu konstrusaun fíziku atinji ona pursentu 5. 

Hafoin ne’e mós tékniku ADN kontinua hala’o inspesiona no monitorizasaun ba projetu konstrusaun edifísiu Eskola Téknika Vokasionál (ESTV) Gleno, ne’ebé konstrusaun refere ho nia progresu fíziku atinji ona ba pursentu 88 no obra ne’e rasik responsabiliza husi kompañia COLINCREO Unip. Lda.