DIRETÓR EZEKUTIVU ADN, IP IHA REUNIAUN CAFI APREZENTA RELATÓRIU EZEKUSAUN FUNDU INFRAESTRUTURA TINAN FISKÁL 2021 BA VPM/MPO
- Publika husi: Ela
- Loron: 17/Jan/2022
DIRETÓR EZEKUTIVU ADN, IP IHA REUNIAUN CAFI APREZENTA RELATÓRIU EZEKUSAUN FUNDU INFRAESTRUTURA TINAN FISKÁL 2021 BA VPM/MPO
Loron-kinta, 13 Janeiru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz ho nia Adjuntu Eng. Januario M. Guterres akompaña mós husi koordenadora Unidade Avaliação de Projetos (UAP) hodi hala'o enkontru ho S.E VPM/MPO iha sala reuniaun MPO/ADN.
Objetivu husi enkontru ne’e atu ekipa tékniku sira aprezenta relatóriu ba S.E VPM/MPO kona-ba rezultadu servisu durante tinan 2021 nian liu-liu kona-ba ezekusaun fundu infraestrutura tinan fiskál 2021. Nune’e Diretór Ezekutivu ADN IP, halo aprezenta ba rezultadu servisu sira mak hanesan, lala’ok verifikasaun, volume servisu verifikasaun no inspesaun, forsa traballu ADN nian nomós totál rezultadu verifikasaun dokumentus ba iha tinan 2021 inklui obstákulu ne'ebé infrenta nomós hato'o rekomendasaun sira.
Alende ne’e, aprezenta mós kona-ba dadus verifikasaun dokumentus ba projetu rehabilitasaun infra-estrutura ne’ebé hetan estragus husi kalamidade 4 Abril 2021 nian.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;