EKIPA TÉKNIKU ADN, HALO APREZENTASAUN FINÁL BA MOP KONA-BA EDIFÍSIU FOUN ADN,IP.
- Publika husi: Ela
- Loron: 14/Feb/2022
EKIPA TÉKNIKU ADN, HALO APREZENTASAUN FINÁL BA MOP KONA-BA EDIFÍSIU FOUN ADN,IP.
Loron-tersa, 9 Fevereiru 2022: Ajénsia Dezenvolvimentu Nasionál, Institutu Públiku (ADN, IP) liu husi Adjuntu Diretór Ezekutivu Eng. Januario M. Guterres hamutuk ho tékniku sira hala’o enkontru ho Diretór Nasionál Edifikasaun ho nia ekipa tékniku sira iha sala reuniaun MPO/ADN.
Enkontru ne’e lidera husi Adjuntu Diretór, Eng Januario M. Guterres no Xefe Departamentu Edifikasaun, Agua no Saneamentu Arq. Francisco Xavier de Deus Jeronimo hodi halo aprezentasaun finál kona-ba dezeñu, BoQ no espesifikasaun tékniku ba edifísiu foun ADN,IP.
Nune'e, bazeia ba aprezentasaun dahuluk ne’ebé hetan sujestaun husi ekipa tékniku MOP kona-ba parte balu ne’ebé presiza aumenta no hadi'a. Tanba ne’e ekipa tékniku ADN aprezenta fali pontu hirak ne’ebé sira hadi'a tuir rekomendasaun husi MOP.
Enkuantu diretór nasionál edifikasaun MOP konkorda ho aprezentasaun ne’e no sei akompaña iha prosesu implementasaun. Nune’e nia husu nafatin atu iha kolaborasaun servisu, tanba projetu ne’e mak sai hanesan matadalan ida atu garantia ba públiku iha futuru kona-ba ekipa sira nia responsabilidade iha parte tékniku nian.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;