CAC HALO AUDIÉNSIA HO ADN, IP KONA-BA AUTO AVALIASAUN BA KONVENSAUN NASAOENS UNIDAS KONTRA KORRUPSAUN (sigla-inglés UNCAC)

Loron-tersa, 12 Abril 2022: Diretór Ezekutivu Eng. Mariano Renato M. da Cruz ho Adjunto Diretór Ezekutivu Eng. Januario M. Guterres akompaña mós husi Koordenadór sira hala’o sorumutu audiénsia husi CAC ne’ebé reprezenta husi Komisariu Adjuntu ba Apoiu Tékniku no Kooperasaun, Sr. Alexander Freitas Gusmão ho ekipa hodi ko’alia kona-ba oinsa mak Instituisaun ADN bele kompleta informasaun ba implementasaun Auto Avaliasaun ba Konvensaun Nasaoens Unidas Kontra Korrupsaun (UNCAC)  iha medidas preventivas korrupsaun liga ho ANP nia servisu ne’e audiénsia ne’e hala’o iha salaun enkontru MPO/ADN, Fatuhada Díli.

Husi audiénsia ne’e mós Diretór Ezekutivu ADN, IP ho ekipa aprezenta ba Komisáriu kona-ba knar prinsipál instituisaun ninian bazeia dekretu lei No.60/2020  data 25 de Novembro, mak halo avaliasaun previa no sertifika projetu kapitál dezenvolvimentu, avalia no sertifika ba projetu kategoria bens de serviço no transferénsia públika ne’ebé relasiona ho projetu fíziku ho montante boot liu  $50.000 nomós elabora standarizasaun tékniku ne’ebé relasiona ho dezenvolvimentu infraestrutura.

Diretór Ezekutivu mós kompromete sei submete resposta ba CAC bazeia ba rezultadu serbisu no obstákulu ne’ebé ADN iha inklui mós aprezenta instrumentu balun ne’ebé ADN kria no utiliza hodi halo kontrolu ba obra sira iha territóriu nasionál no instrumentu hirak ne’e sai mós hanesan meius hodi kombate no asegura intesaun no hahalok sira ne’ebé destina ba prátika korrupasaun.

Mídia, ADN