Díli-kuarta, 13 Abril 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, IP) Eng. Mariano Renato Monteiro da Cruz halo abertura ba atividade formasaun ba tékniku arkitetura no enjeñeiru Programa Dezenvolvimentu Integradu Munisipál (PDIM) husi munisípiu 12 inklui mós Dili ho tema Kualidade tékniku determina kualidade obra iha salaun Delta Nova.

Formasaun ne’e fasilita másimu husi asesór nasionál no internasional husi ADN ho objetivu atu hadi'a di'ak liutan enjeñeiru tékniku PDIM sira nia koñesimentu hodi planeia no superviziona ezekusaun obra sira iha munisípiu hotu no sai mós hanesan bukae ba enjeñeiru sira hotu atu implementa servisu iha terenu di'ak liu tan.

Diretór Ezekutivu ADN hato’o nia intervensaun badak aumezmu tempu loke abertura ba formasaun ida ne’e. Nune’e nia agradese ba kooperasaun di'ak entre Ministériu Administrasaun Estatál no ekipa hirak ne’ebé servisu hamutuk hodi realiza formasaun ida ne’e tanba bele aumenta liu tan enjeñeiru sira hodi kontrola projetu hotu iha Timor laran tomak.

Tanba ne’e nia husu partisipante sira atu partisipa ho másimu. Nia mós husu ba enjeñeiru sira tenke iha abilidade ne’ebé di'ak hodi hala'o servisu ho onestu, kreativu no inovativu nomós tenke responsabiliza másimu ba servisu ne’ebé sira hetan husi superiór sira.

Mídia ADN