Loron kuarta, 27 jullu 2022 - Diretór Ezekutivu Ajénsia Dezenvolvimentu Nasionál, Institutu Públiku (ADN, I.P.) Eng. Mariano Renato M. da Cruz, akompaña husi Chefe Seção Departamento Infraestruturas de Transportes Eng. Aniceto da Costa partisipa reuniaun

Mensal ho Project Management Unit (PMU) husi Ministériu Obras Públika, InterContinental Consultant and Technocrats Pvt.Ltd (ICT) in Association with Infra Consultant in the Phils (ICP), Dezemvolvimentu Timor Leste (DETILE) no mós Kontratór China CRIG-COVEC JOIN VENTURE, iha sala reuniaun edifísiu MOP Mandarin, Díli.

Konvokasaun reuniaun Mensal husi Project Management Unit (PMU) Ministériu Obras Públika ne’e envolve mós ho parte ADN nian, Konstultan (ICT) ICP ho DETILE, Kontratór China CRIB-COVEC JOIN VENTURE, hodi kontinua halo atualizasaun ba progresu serbisu iha terenu liu-liu estrada Baucau -Venilale (Lot-1) no Venilale -Viqueque (Lot-2).

Diretór Ezekutivu nafatin informa ba responsável kompañia obra no mós ho dono projetu presiza hametin liu tán kooperasaun hodi bele sumbete pedidu pagamentu tuir parte sira ne’ebé finaliza ona atu nune’e ADN liu husi tékniku sira bele halo inspesaun no rekomenda prosesu pagamentu bazeia ba rezultadu ezekusaun obra iha terenu.

Iha biban ne’e mós parte Autoridade Nacional de Petróleo e Minerais (ANPM) fó informasaun kona-ba materiál sira ne’ebé kontratór utiliza ba projetu refere hanesan (fatuk, rai-henek no reskusu natural sira seluk) atu kompañia presiza selu ba Estadu Timor-Leste.

Obra ne’e governu lansa fatuk dahuluk iha fulan-agostu tinan 2019 hodi fasilita liután konektividade entre munisípiu ho munisípiu no mós ligasaun munisípiu ba área rurál liu-liu ba komunidade en jerál bele asesu.