DIRETÓR EZEKUTIVU OBSERVA DIRETA PROJETU EMERJÉNSIA IHA DILI LARAN IMPAKTU HUSI KALAMIDADE 4 ABRIL 2021
- Publika husi: Samuel
- Loron: 17/Aug/2022
DIRETÓR EZEKUTIVU OBSERVA DIRETA PROJETU EMERJÉNSIA IHA DILI LARAN IMPAKTU HUSI KALAMIDADE 4 ABRIL 2021
Díli, 17 Agostu 2022- Diretór Ezekutivu ADN, I.P. Eng. Mariano Renato M. da Cruz akompaña husi Enjeñeiru Munisípiu Díli, Eng. Eduardo dos Santos, Eng. João Quintão do Rego no Asesór Internasionál Eng. Agus Widiyanto hala’o vizita ba Projetu Emerjénsia iha Dili laran ne’ebé impaktu husi Kalamidade 4 Abril hodi observa direta progresu implementasaun kompañia sira nian iha terenu.
Vizita dahuluk ba projetu Removal and Instalation Of Panel Bridge in Becusse River ne’ebé responsabiliza husi kompañia Jonize Unipessal, Lda ne’ebé kuaze atinje ona 100%.
Hafoin ne’e kontinua observa projetu Construção Moru Proteção “Recuperação Danos Estrutura Proteção Ribeira Benamauk, Becora ne’ebé responsabiliza husi kompañia Santanda Diak Unipessoal, Lda ne’ebé ho progresu atuál iha terenu atinji ona 46%. Enkuantu projetu Emercency Cyclone Seroja 04 April 2021 “Construsaun Moru Proteksaun Becora, Terminal (Sta.0+000 to Sta. 0+110) ne’ebé responsabiliza husi kompañia Mapetil Unipessoal, Lda atinji 12%.
Aleinde ne’e vizita mós projetu hanesan iha Lahane Paiol ne’ebé kontinua la’o hela.
Diretór Ezekutivu durante iha observasaun ne’e apela ba reponsável kompañia implementadór ba projetu hirak ne’e wainhira iha problema ruma presiza halo koordenasaun ho parte kompetente inklui enjeñeiru ADN nian oinsa mak bele aselera hodi finaliza obra konstrusaun hirak ne’e antes udan monu rai.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;