ADN APREZENTA DATA COLLECTION IHA“FORUM ENGINEERING AND CONSTRUCTION TECHNOLOGY, EXHIBITION AND BUSINESS MATCHING”

Dili- Loron tersa, 16 Agostu 2022 – Diretór Ezekutivu Ajénsia Dezenvolvimentu Nasionál Institutu Públiku (ADN, I.P.) Eng. Mariano Renato Monteiro da Cruz hamutuk ho nia koordenadóra Unidade Estudo e Desenvolvimento de Competências (UEDC) Arq. Valentina Violet C. Bianco, Chefe Secção Base de Dados Eng. Susana Sinala do Rego Amaral ho ekipa partisipa atividade “Forum Engineering and Construction Technology, Exhibition and Business Matching in Dili Timor Leste” ne'ebé organiza husi Malasyan Service Providers Cofedoration (MSPC) no Matrade iha Timor Plaza Dili.

Objetivu husi atividade ne’e atu liga peritu sira husi indústria no akadémika hodi fahe koñesimentu foun no haluan rede profisionál iha kontestu teknolojia enjeñaria no konstrusaun nian no mós kria plataforma no oportunidade ba fornesedór servisu profisionál malázia sira nian atu esporta sira-nia servisu ba nasaun ida-idak liuhosi marketing, promosaun, programa konstrusaun rede nune'e bele identifika potensiál parseiru negósiu sira no ponte kolaborasaun entre parte rua ne’e liuhosi kompara negósiu.

Diretór Ezekutivu ADN.IP Eng. Mariano Renato Monteiro da Cruz mós hetan oportunidade hodi halo aprezentasaun kona-ba Integrated road infrastructure monitoring system using low cost technology” ne’e hanesan Sistema Data Collectiona ne’ebe uza hodi halo monitorizasaun liu husi Dash camera ne'ebé ho nia aplikasaun ida ne'ebé bele kobre ba kondisaun Estrada. Tanba ne’e, aplikasaun ne’e hanesan meius atu halibur dadus kona-ba infraestrutura nian no fásil atu identifika ba parte ne'ebé hetan estragus.

Nune’e, CEO Malaysia Service Providers Federation (MSPC) Ts. Ir Choo Kok Beng, apresia ho métodu ne'ebé Diretór Ezekutivu aprezenta, tanba maski teknolojia avansadu ona, maibé ida ne’e hanesan kreatividade ne'ebé mak instituisaun ne’e uza ho fásil liu atu hala’o servisu.