DIRETÓR EZEKUTIVU VIZITA PROJETU EMERJÉNSIA IDA NO PROJETU KALAMIDADE 4 ABRIL RUA IHA DILI LARAN HODI HAREE PROGRESU IMPLEMENTASAUN IHA TERENU

Díli, 10 Agostu 2022- Diretór Ezekutivu ADN, I.P. akompaña husi Enjeñeiru Munisípiu Díli, Eng. Eduardo dos Santos, Eng. João Quintão do Rego no Asesór Internasionál Eng. Agus Widiyanto hala’ovizita ba Projetu Emerjénsia ida no projetu Kalamidade 4 Abril rua iha Díli laran hodi haree progresu implementasaun iha terenu.

Projetu Emerceny Road Upagring Project Dili (Rai Kotu) Tasitolu Road Link A03-01) km 8.00 (Sta.8+00 to km 8.74 (Sta. 8+743.246) implementa husi kompañia Jonize Construction Unipessoal. Lda, ho nia progresu dadaun iha terenu atinji 24% ho nia durasaun tempu tuir kontratu loron 150 (fulan 5) .

Projetu kalamidade 4 Abril rua hanesan Emerceny Project Cyclone  Seroja 04 April 2021 “New Cosntruction of Check Dam and Retaining Wall Becora - Benamuk ” Suco Becora, Postu Administrativu Cristo Rei Munisípiu Díli, impelementa husi kompañia SINAR SATELITE, Unipessoal Lda. ho nia progresu atuál iha terenu atinji ona 52% ho durasaun kontratu loron atus ida ualu nulu (fulan 6). Enkuantu Projetu New Construction of Cantiliver of Road Protection Down Stream CPLP Bridge Comoro River Municipality of Díli impelmenta husi kompañia Arquiris, Unipessoal Lda.

Husi vizita ne’e Diretór kompañia SINAR SATELITE, Sr. Yulius Lay ne’ebé implementa Projetu “New Cosntruction of Check Dam and Retaining Wall Becora - Benamuk ” promete ba Diretór Ezekutivu ADN katak nia parte sei konklui antes tempu ne’ebé mesiona iha kontratu tanba daudaun ne’e progresu iha terenu atinji ona 52%.

Diretór Ezekutivu ADN apresia no louva tebes ho kompaña Diretór SINAR SATELITE Sr. Yulius Lay ninia rezultadu serbisu iha terenu hatudu progresu di’ak maibé tenki nafatin garante kualidade nune’e sai mós ezemplu ba kompañia sira seluk iha futuru.

“Wainhira ita-boot finaliza projetu ne’e antes durasaun ne’ebé tau iha kontratu, ita sai ezemplu no referénsai ba kompañia sira seluk no ita-boot merese Governu ninia atensaun atu utiliza kompañia sira ne’ebé implementa projetu tuir tempu maibé garante ninia kualidade”

Durante iha vizita ne’e Diretór Ezekutivu husu ba kompañia sira atu hatudu nafatin Espiritu responsabilidade hodi implementa projetu hirak ne’e no nia parte husu liu-liu ba timoroan sira ne’ebé envolve direta, presiza hatudu espíritu badinas wianhira falta buat ruma iha terenu presiza halo koordenasaun no komunikasaun ho parte kompetente atu rezolve hodi kontinua  impelementa projetu tuir tempu no mós garante nia kualidade atu nune’e ezekusaun ba orsamentu setór infrestrutura bele sa’e no husi obra sira ne’ebé Estadu harii bele fó benefísiu ba timoroan hotu.