Dili- 12 Setembru 2022 Diretór Adjuntu Ajénsia Dezenvolvimentu Nasionál Institutu Públiku (ADN, I.P.) Eng Januario M. Guterres halo abertura ba atividade formasaun kona-ba “Construction manegment and supervising multiple project” ne’ebé hala’o durante loron 5 (hahu husi dia 12-16) ne’ebé realiza iha salaun INAP Comoro.

Formasaun ne’e realiza tanba kolaborasaun entre ADN.IP no Timor Delta Solusindo (TDS) ho objetivu atu hasa’e enjeñeiru sira nia koñesimentu iha area espesifiku sira hanesan jestaun ba projetu no oinsa atu hatene kona-ba jestaun projetu tradisional. Aleinde ne’e, bele indentifika benefisiu husi jestaun projetu ba instituisaun nian no mos bele komprende sistema implementa jestaun projetu iha sira nia oraganizasaun/instituisaun.

Iha abertura ne’e Diretor Adjuntu agradese ba kolaborasaun servisu entre ADN.IP, INAP ho TDS hodi realiza formasaun ba etapa dahuluk nian. Tanba ne’e, nia husu ba formandu sira atu partisipa ho di’ak no seriu ba formasaun ida ne’e, tanba liga ba ADN.IP nia servisu ne’ebé halo kontrolu ba projetu hotu iha Timor laran tomak, nune’e materia ne’e importante tebes ba tékniku sira atu aprende kona-ba oinsa halo jestaun ba projetu sira hotu ne’ebé implementa.