ADN, I.P. PARTISIPA WORKSHOP TIMOR-LESTE 2ND VOLUNTARY NATIONAL REVIEW
- Publika husi: Samuel
- Loron: 14/Sep/2022
ADN, I.P. PARTISIPA WORKSHOP TIMOR-LESTE 2ND VOLUNTARY NATIONAL REVIEW
Díli, 14 Setembru 2022 - Ajénsia Dezenvolvimentu Nasionál (ADN, I.P.) liu husi Assessora Finanças ADN I.P. Sra. Epi Orleães ho Ofisiál Planeamentu Monitorizasaun Sr. Aquelino Ferreira partisipa workshop “Timor-Leste 2nd Voluntary National Review” ne’ebé organiza husi Ministério dos Negócios Estrangeiros e Cooperação no Organização Nações Unidas ne’ebé mak realiza iha salaun Nobre MNEC.
Objetivu reuniaun ne’e atu hasa’e liu tan koñesimentu no kompriensaun ba prosesu 2 relatóriu revizaun relatóriu voluntáriu nasionál, halo reflesaun ba primeiru relatóriu revizasaun voluntáriu nasionál, atu kompriende prosesu ba koleksaun dadus no selesaun indikadór no meta sira, atu hetan komentáriu no sujestaun ba roteiru relatóriu voluntáriu nasionál.
Iha aprezentasaun sira ne’e Sra. Epi Orleães modera mos sesaun Aprezentasaun no Diskusaun husi Ekipa ANAPMA ne’ebé aprezenta husi Sra. Brigida Soares no Deonisio kona-ba: Timor Leste 2 Voluntary National Rewiew (VNR).
Tuir kalendáriu prosesu elaborasaun 2 relatóriu voluntáriu nasionál sei hahú iha fulan-Setembru 2022-Jullu 2023.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;