Díli, 16 Setembru 2022 – Universidade Nacional Timor Lorosa’e (UNTL), liu husi inisiativa Departamento de Engenharia Civil da Faculdade de Engenharia, Ciência e Tecnologia (FECT) organiza semináriu ho tema “Hamutuk Hametin Relasaun Amizade Entre Estudante Enjeñaria Sivil no Kapasita Estudante iha Área Servisu Enjeñaria” ho objetivu hodi bele hasa’e liu tan koñesimentu estudante sira nian iha atividade akadémiku. Semináriu ne’e hala’o iha salaun Auditoria Fakuldade Enjeñaria Siénsia no Teknolojia, Hera.

Iha semináriu ne’e Diretór Ezekutivu Ajénsia Dezenvolvimentu Nasionál, Institutu Públiku (ADN, I.P.) Eng. Mariano Renato Monteiro da Cruz, hanesan konvidadu ba oradór primeiru hodi lori tema “Esperansa Timor-Leste Ba Fresh Graduate Engineer ba Problema Infraestrutura hodi Minimiza Dezempregu tuir Papel ADN, I.P".

Diretór Ezekutivu perante estudante iha ninia introdusaun hateten atu minimiza dezempregu presiza ema ne’ebé kriativu no inovativu hodi bele kria serbisu ba nia aan rasik.

Aprezentsaun dahuluk Diretór Ezekutivu aprezenta Espestasaun husi Graduadu Enjeñaria Sivil UNTL-FEST kona-ba Baze Kondisaun Agora nian tuir pontu de vista ADN ho metéria “Integrated Road Infrastructure Monitoring System (IRIMS) using Artificial Intelligent Method and Low Cost Technology ((IRIMS) ou “Sistema Integradu Monitorizasaun Infraestrutura Estrada uza Metodu Artificial Intelligence no Teknolojia kustu ki'ik. Matéria ne’e prepara husi Diretór Ezekutivu Eng. Mariano Renato M, da Cruz, Sr. Frederico Soares Cabral, Vosco Pereira, HIDEKAZU Fukai, no NAKASHIMA Shinichiro ho konteudu (Artificial Intelligence (AI) iha Glance; Intelligence Artificial (AI) iha Setór Enjiñaria; ADN nia devér no responsabilidade; no Demonstrasaun Sistema PMIS ne’ebé ADN kria no utiliza hodi halo kontrolu ba projetu infraestrutura sira ne’ebé estadu harii iha teritóriu Timor laran tomak.

Durante iha aprezentasaun Diretór Ezekutivu promove mós kona-ba papel no responsabilidade ADN, I.P. inklui sistema serbisu ne’ebé instituisaun utiliza no mós ekipamentu tekonoljia hodi halo kontrolu operasionál ba serbisu verifikasaun, inspesaun ba projetu infraestrutura sira.

Hafoin aprezentasaun iha mós sesaun pergunta no resposa entre estudante no oradór tuir konteudu aprezentasaun liga mós ho realidade implementasaun projetu sira ne’ebé governu implementa.

Iha sermináriu ne’e mós Vice Presidente Câmara de Comércio e Indústria de Timor-Leste (CCI-TL) Assuntu Infrastrutura, Eng. João B. F. Alves hato’o kona-ba “Nesesidades no Relasaun Servisu Entre Emprezáriu Konstrusaun Sivil inklui oradór seluk husi parte Asian Development Bank (ADB) no mós Padre Kapelaun UNTL nian.