DIRETÓR EZEKUTIVU HALO APREZENTASAUN KONA-BA “DATA COLLECTION SYSTEM”
- Publika husi: Samuel
- Loron: 13/Oct/2022
DIRETÓR EZEKUTIVU HALO APREZENTASAUN
KONA-BA “DATA COLLECTION SISTEM”
Díli, 13 Outubru 2022 - Diretór Ezekutivu
Ajénsia Dezenvolvimentu Nasionál, Institutu Públiku (ADN, I.P.) Eng. Mariano
Renato Monteiro da Cruz partisipa semináriu kona-ba road asset management
ne’ebé realiza husi JICA no mós ILO/R4D iha sala Auditóriu Kay Rala Xanana
Gusmão, Ministériu Finansas, Aitarak-laran.
Iha oportunidade ida ne’e mós Diretór
Ezekutivu halo aprezentasaun kona-ba data collection system. Sistema ne’e
hanesan aplikasaun ida ne'ebé ADN, I.P uza hodi rekolla dadus liuliu kona-ba
infraestrutura Estrada nian ne’ebé mak presiza atu halo reabilitasaun. Nune’e
Sistema ida ne’e bele halo record ba Estrada hirak ne’ebé hetan estragus no
presiza atu halo manutensaun. nune’e bainhira Sistema ne’e deteta ona mak ekipa
tékniku sira sei transfere ba iha Sistema GIS hodi halo separasaun ba fatin
ne'ebé identifika hetan estragus grave liu ka ladún aat.
Sistema ne’ebé utiliza sai alternativu di'ak
no fasilita atu hala’o servisu ho lalais hodi identifika kondisaun Estrada
ne’ebé aat no mós fásil atu halo estimasaun gastus ba volume reabilitasaun nian
ho nune’e bele fó rezultadu ba na'i ulun sira atu fó prioridade liu ba fatin
ne’ebé presiza liu atu halo manutensaun no reabilitasaun.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;