Díli, 7 Novembru 2022: Diretór Ezekutivu Ajénsia Dezenvolvimentu Nasionál, Institutu Públiku (ADN, I.P.) Eng. Mariano Renato Monteiro da Cruz ho koordenadóra sira no mós asesór sira hala'o enkontru ho Enjeñeiru munisípiu sira hotu inklui mós tékniku administrasaun ADN.IP nian iha sala reuniaun MPO/ADN Fatuhada.

Enkontru ne’e lidera husi Diretór ezekutivu ho objetivu atu ko'alia kona-ba koordenasaun servisu nune’e diskute másimu ba asuntu sira hanesan, folow up relatóriu mensál husi enjeñeiru sira hotu, date line submisaun dokumentu pagamentu bazeia ba sirkulár governu nian ne’ebé fó sai ona ba ministériu no entidade sira hotu. Aleinde ne'e ko'alia mós kona-ba Unidade Kontrolo Valisaun Kualidade (UCVQ) nia date line pagamentu.

Durante diskusaun ne'e Diretór Ezekutivu husu ba tékniku sira atu hala’o servisu másimu liuliu iha fulan Novembru hodi kontrola progresu fíziku ba projetu sira ne’ebé sei ongoing ka seidauk atinji 100 porsentu no tékniku sira presiza prepara relatóriu fulan Novembru kona-ba projetu sira ne'ebé iha ADN nia kontrolu hodi asegura ne'ebé lolos.