Díli- 20 Marsu 2023 - Diretór Ezekutivu Ajénsia Dezenvolvimentu Nasionál Institutu Públiku (ADN, I.P.) Eng. Mariano Renato Monteiro da Cruz akompaña husi Xefe departamentu Laboratóriu Eng. Jony R. Varrela hamutuk ho ekipa tékniku sira halo inspesaun konjunta ho Diretor Nasional Estrada Ponte Controlo Cheia (DNEPCC/MOP) Sr. Milton Ramanata de Castro Monteiro no mós ekipa tékniku sira ba materiál Tetraport ne’ebé prodús husi kompaña Zonize Unip. Lda atu utiliza ba projetu iha Batugade-Bobonaro.

Durante inspesaun Diretór Ezekutivu ADN, I.P. ho Diretór DNEPCC/MPO identifika katak materiál Tetrapod ho ninia forsa rezisténsia iha standar oin tolu mak hanesan 21 mpa, 24 mpa no 28 mpa. Ho nune’e fó orientasaun ba kompañia sira atu separa tuir estandar ne’ebé iha hodi bele distrubui no utiliza tuir nesesidade iha terenu.

Hafoin ne’e, Diretór ho ekipa sira kontinua mós halo inspesaun ba projetu Construction of Intersection in the Existing Dili-Liquica road to connect acces road from Tibar By Port (National Road A03), ne’ebe implementa husi kompañia Aitula Unip. Lda.