REUNIAUN DISKUSAUN BA NORMALIZASAUN MOTA BATUGADE
- Publika husi: Samuel
- Loron: 24/Mar/2023
REUNIAUN DISKUSAUN BA NORMALIZASAUN MOTA BATUGADE
Díli, 24 Marsu 2023 - Diretór Ezekutivu Ajénsia Dezenvolvimentu Nasionál, Institutu Públiku (ADN, I.P.) Eng. Mariano Renato Monteiro da Cruz akompaña husi Xefi Departamentu Laboratóriu Eng. Jony Rodrigues Varela ho tékniku atende reuniaun urjente ne’ebé konvoka husi Ministériu Finansas hodi diskuti kona-ba normalizasaun ba mota ba protesaun Ponte Garis Kuning Fronteira iha Postu Integrado Batudage.
Reuniaun ne’e hala’o iha sala enkontru Ministériu Finansas piso 5 ne’ebé lidera husi Diretór Jerál Servisus Korporativus Sr. Joanico Pinto hanesan Reuniaun Koordenasaun Tékniku urjente ba konstrui moru protesaun Mota Nakasobu besik Postu Integrado Fronteira Batugade.
Hola parte iha enkontru ne’e mós reprezentante husi Diretór Jerál Estrada Ponte Controlo Cheia - MOP, Prezidente IGE-ADI hodi fó apoiu asegura normaliza Mota hodi evita cheias ne’ebé fó impaktu inundasaun ba área servisu migrasaun Timor-Leste nian iha Fronteira.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;