ADN, I.P. HALA’O SORUMUTU HO CCI TL

Díli, 23 Maiu 2023 - Diretór Ezekutivu Ajénsia Dezenvolvimentu Nasionál, Institutu Públiku (ADN, I.P.) Eng. Mariano Renato M. da Cruz hamutuk ho Diretór Adjuntu Eng. Januario Maia Guterres no ekipa hala’o sorumutu ho Presidente Câmara de Comércio e Indústria de Timor Leste CCI-TL Sr. Jorge Manuel de Araújo Serrano ho ekipa iha Sala Konferensia CCI-TL, Acait, Dili, Timor-Leste.

Iha sorumutu ne’e parte ADN aprezenta kona-ba sitema serbisu ADN ninian liga ho Flowchart ba pagamentu ne’ebé hetan aprovasaun husi CAFI iha fulan-jullu tinan kotuk.

Aleinde de ne’e mós hato’o informasaun ba CCI TL hodi bele komunika ho empreza nasionál sira ne’ebé resposabiliza ba projetu sira iha territóriu laran liu-liu projetu fíziku hirak ne’ebé atinje ona 20% presiza halo ona pedido pagamentu hodi nune’e labele fó impaktu ba ezekusan orsamentu.

Tempu ida ne’e oprotunu tebes ami informa ba CCI-TL hanesan parseiru governu nian hodi hatutan ba ninia membru sira tantu husi nasionál to’o baze hodi bele komunika ho sira nune’e ba projetu ne’ebé ninia fizikamenta implementa iha baze liu ona porsentu 20 atu halo ona pedidu pagamentu no labele hein to novembru ka dezembru, tanba se lae, bele fó impaktu ba ezekusaun orsamentu” haktuir Diretór Ezekutivu ADN.

Vise Prezidente Asuntu Konstrusaun Sivil no Obras Públikas Sr. Agustinho Gomes hateten katak sorumutu ADN ho CCI TL importante tebes tanba lori ona dadus projetu sira no obra sira ne’ebé ninia implementasaun liu ona 20% hodi CCI TL sei follow up tantu iha munisípiu no nasionál hodi buka solusaun atu labele prejudika ba emprezáriu sira nia atividade.

Iha biban ne’e Presidente CCI-TL apresia no agradese Diretór Ezekutivu ADN no ekipa tomak ne’ebé ho vontade no kapasidade no mós konviksaun liu-liu iha kompaisaun ba serbisu tékniku nian hodi bele habelar ona informasaun sira atu parte setór privado no instituisaun estadu nian sira iha kolaborasaun hamutuk hodi tau matan di’ak liután ba setór infraestrutrua nian ho kualidade.