ADN, REALIZA ATIVIDADE SHARING KNOWLEDGE
- Publika husi: Samuel
- Loron: 12/Jun/2023
ADN, REALIZA ATIVIDADE SHARING KNOWLEDGE
Díli, 12 Juñu 2023- Ajénsia Dezenvolvimentu Nasionál Institutu Públiku (ADN, I.P.) liu husi Unidade Estudu Dezenvolvimentu Kompetensia (UEDC sigla portugues) kontinua hala’o atividade fahe esperiensia (sharing knowledge) husi Guest Speaker Eng. Januario Ribeiro da Costa nu’udar kandidatu PhD Chemical Engineering iha Worcester Polytechnic Institute ne’ebé aprezenta kona-ba Laboratory Techniques for Public Works Application, iha sala reuniaun ADN/MPO.
Objetivu husi atividade ne’e atu hatene papel importansia enjeñeiru químico iha área infraestrutura no mós fahe informasaun ba enjeñeiru ADN sira liuliu parte laboratóriu ninian kona-ba téknika experimentál sira ne’ebé uza iha obra konstrusaun sivil hodi bele kapasita nafatin sira nia koñesimentu relasiona ho área servisu nian.
Durante fahe koñesimentu ne’e ko’alia liu kona-ba Aplikasaun tekniku Experimentasaun ba Materiál konstrusaun hanesan Chemical characterization no Thermal Analysis hodi bele identifika materiál nia Kualidade.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;