TÉKNIKU ADN HALO ENKONTRU HO TÉKNIKU PDIM
- Publika husi: Ela
- Loron: 08/Sep/2023
TÉKNIKU ADN HALO
ENKONTRU HO TÉKNIKU PDIM
Manatuto, 07 Setembru 2023 - Ajénsia Dezenvolvimentu Nasionál,
Institutu Públiku (ADN, IP) Liu husi Unidade Kontrolu no Validasaun Kualidade
nia Ekipa Tékniku husi Departamentu Edifísiu Públiku, Agua no Saneamentu ne’ebé
destakadu iha Munisípiu refere hala’o sorumutu ho ekipa tékniku PDIM ne’ebé
destakadu iha munisípiu refere.
Objetivu sorumutu ne’e hodi koalia kona-ba koordenasaun serbisu,
no mós koalia kona-ba projetu PDIM ne’ebé mak seidauk finaliza iha munisipiu
refere. Aleinde ne’e tékniku ADN halo
inspesaun no monitorizasaun ba projetu projetu Emergency Supply and Gabion
Construction for Water Transmission Pipeline, ne’ebé mak responsabiliza husi
kompañia Dyanyl Unip. Lda.
Iha sorin seluk tékniku ADN husi Departamentu Infraestrutura
Transporte no Irrigasaun ne’ebé destakadu iha munisípiu refere halo mós
inspesaun no monitorizasaun ba projetu Reabilitasaun estrada rurál Rembor, ho
chainage 0+000-3+000, ne’ebé responsabiliza husi kompañia Kartini Unip, Lda.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;