DIRETOR EZEKUTIVU ADN.IP SESANTE ENTREGA SERVISU BA DIRETOR EZEKUTIVU FOUN

Díli, loron 2 Outubro 2023 - Ajénsia Dezenvolvimentu Nasionál Institutu Públiku (ADN, I.P.) Diretór Ezekutivu sesante Eng. Mariano Renato Monteiro da Cruz hamutuk ho estrutura tomak no kargu sefia inklui mos funsionario ADN tomak halo enkontru ho S.E Ministru Planeamentu Investimentu Estratejiku Sr. Gastao Francisco de Sousa iha sala reuniaun ADN.

Objetivu husi sorumutu ne’e Diretor Ezekutivu sesante entrega servisu ba Diretor Ezekutivu foun Sr. Rui Lourenço da Costa ne’ebé lidera ADN.IP iha IX governu nian. Iha okaziaun ne’e S.E Ministru Planeamentu Investimentu Estratejiku Sr. Gastao Francisco de Sousa hato’o agradese no apresia ba Diretor Ezekutivu sesante nia servisu hotu durante mandatu tomak hodi lidera instituisaun ADN kona-ba verifika dokumentu sira nomós halo inspesaun ba projetu iha terenu iha teritoriu tomak hodi asegura orsamentu estadu no  kontribui ba dezenvolvimentu estadu nomós rai ida ne’e. Nune’e, S.E husu ba Diretor Ezekutivu foun atu hala’o servisu ho dignidade no responsabilidade ba konfiansa ne’ebé hetan nomós kontinua halo koordenasaun no kooperasaun kona-ba asuntu servisu hotu atu nune’e bele dezenvolve liu tan instituisaun AND.IP iha futuru. 

Alende ne’e Diretor Ezekutivu Sesante Eng. Mariano Renato Monteiro da Cruz hato’o bem vindu ba Diretor Ezekutivu foun no hato’o mos nia agradesementu ba governu daualu ne’ebé fo konfiansa ba nia hodi lidera instituisaun ADN.IP durante mandatu tomak. Nune’e mós ba ekipa tomak ne’ebé servisu hamutuk ona ho Diretor Ezekutivu sesante hodi implementa servisu tuir planu maske balu la konsege finalia maibe nia husu atu kontinua mantein prinsipiu ADN nian ne’ebé iha dezde inisiu harii ADN atu hala’o servisu ho diak liu tan hamutuk ho Diretor Ezekutivu foun .

Iha fatin hanesan Diretor Ezekutivu Foun mós agradese ba S.E primeiru Ministro ne’ebé nomeia nia hodi lidera insituisaun ida ne’e no sei koopera ho Diretor Ezekutivu sesante liga ho asuntu tékniku nian nune’e bele kontinua deze servisu hamutuk ho téktinu sira atu halo verifikasaun ba dokumentu sira nomós halo inspesaun ba projetu hodi garante kualidade projetu infra-estrutura iha teritoriu laran.

Hafoin ne’e Diretor Sesante mós entrega relatoriu no rezultadu servisu sira ba inklui mos produsaun livru kona-ba sistema ne’ebé ADN.IP utiliza hanesan sistema PMIS, LMS, GIS nomós portal web ba Diretor Ezekutivu foun