ESTUDANTE UNTL ENSERA ESTAJIU DURANTE FULAN RUA IHA ADN.IP
- Publika husi: Ela
- Loron: 09/Oct/2023
ESTUDANTE UNTL ENSERA ESTAJIU DURANTE FULAN RUA IHA ADN.IP
Díli, loron 6 Outubro 2023 - Diretór Ezekutivu Ajénsia Dezenvolvimentu Nasionál Institutu Públiku (ADN, I.P.) Sr. Rui Lourenço da Costa hamutuk ho ekipa tékniku sira partisipa atividade enseramentu ba estudante UNTL ne’ebé hala’o estájiu profisionál iha laboratóriu ADN.IP durante fulan rua.
Iha okaziaun ne’e Diretor Ezekutivu Sr. Rui Lourenço da Costa hato’o parabens ba estudante estajiadu hirak ne’ebé hala’o estájiu iha fatin refere. Nune’e Diretor Ezekutivu husu atu kontinua koopera nafatin hodi ba fó estájiu ba estudante sira mai iha ADN, IP la'ós de'it iha parte laboratóriu nian maibé bele mós halo estájiu iha parte verifikasaun no inspesaun nune’e bele aumenta liu tan estudante sira nia koñesimentu kona-ba parte tékniku nian.
Aleinde ne’e Dosente UNTL lori estudante estajiadu sira nia naran agradese ba AND, IP ne’ebé fó oportunidade ba estudante sira bele hala’o estájiu iha fatin ida ne’e, hodi bele aprende hamutuk ho tékniku ADN kona-ba teste laboratóriu no mós fasilita estudante sira hodi hasa’e liu tan sira nia kapasidade kona-ba teste laboratóriu nian liu husi estájiu profisionál ida ne’e
Antes termina, estudante sira mós tara tais ba diretór ezekutivu nu’udar símbolu agradesimentu. Atividade enseramentu ne’e partisipa mós husi ekipa Diretor Ezekutivu, tékniku laboratóriu inklui mós estudante estajiadu sira.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;