Ermera-17 Novembru 2023- Diretor Ezekutivu Ajénsia Dezenvolvimentu Nasionál Institutu Públiku (ADN,I.P.) partisipa iha serimónia inaugurasaun ba projetu Rehabilitation of Rural Road Ponilala Chainage 3+200-5+200 Ermera Municipality ne’ebé responsabiliza husi kompañia (EDM) Ermera Doerema Mesak Unipessol. Lda.

Iha serimónia ne’e Diretor Ezekutivu ADN,IP hato’o parabéns ba lideransa anteriór ne’ebé iha inisiativa di'ak no esforsu hodi finaliza projetu refere. Diretór Ezekutivu ne’e mós husu komunidade sira atu aproveita no utiliza didi'ak fasilidade ne’ebé governu kria ona atu nune’e bele fasilita komunidade sira asesu ba edukasaun, saúde, merkadu no bele hala'o atividade seluk ho di'ak. Diretór Ezekutivu hatutan tan katak parte husi ADN.IP ho MOP sei kontinua fó apoiu ba konstrusaun sira seluk liuliu kona-ba dezenvolvimentu infraestrutura iha área rurál.

Atividade ne’e partisipa husi reprezentante Administrador munisípiu ho nia ekipa, Diretór Obras Públika Munisipiu Ermera ho nia ekipa, ekipa tékniku PNDS, na’in ba kompañia EDM.Unipesoal.lda, inklui mós komunidade suku Ponilala.