ADN,IP ORGANIZA MISA REQUIEM BA MATEBIAN ENG. TIFÂNIA CLOTÁRIA GUTERRES ORNAI
- Publika husi: Ela
- Loron: 21/Nov/2023
ADN,IP ORGANIZA MISA REQUIEM BA MATEBIAN ENG. TIFÂNIA CLOTÁRIA GUTERRES ORNAI
Dili-17-Novembru-2023-Ajénsia Dezenvolvimentu Nasionál Institutu Públiku (ADN, I.P.) nia funsionáriu sira organiza misa Requiem iha Kapela Centec Don Bosco Comoro ba Enjeñeira Tifânia Clotária Guterres Ornai ne’ebé fila hikas ba Aman Maromak nia kadunan Santo iha loron 09 fulan Novembru 2023 iha Hospital Nacional Guido Valadares (HNGV).
Iha selebrasaun misa ne’e, Amu Selebrante iha nia homilia hatete mate nu'udar mistériu boot ida ne’ebé laiha ema ida mak bele deskobre no ita la hatene ita-nia mate bainhira no sei mate oinsá. Tifânia nia mate nu’udar trajédia ida ne’ebé ema hotu la espera no halo ema hotu sente laran moras liu-liu família, kolega servisu, kolega eskola ne’ebé sente lakon tebes ema di’ak ida ne’e, maski fizikamente nia lakon iha mundu maibé Espiritualmente hamutuk ho ita no Lalehan haksolok tanba manán tan Anjo ida.
Hafoin misa, Funsionário sira ADN,IP hamutuk ho matebian nia família no mós nia kolega sira kontinua lori ai-funan ba kari iha semitériu Cacaulidun.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;