Ministru Administrasaun Estatal, S.E. Tomas Rosario Cabral iha nia diskursu esplika katak Baucau sai tiha ona autoridade iha tempu hirak liu ba, mais autoridade la iha kaptál fundu dezenvolvimentu.

“Nonu governu halo reforma ida ho estrutura Sekretariu Munisipál tolu, munisipál hotu-hotu sai autoridade, sira ne’ebé ohin simu pose, ekipa ida ne’e maka sei prepara prosesu ba desentralizasaun. Hateten Ministru Administrasaun Estatal iha CCB.

Ministru ne’e hatutan mós katak iha tinan 2024 governu hahu fo ona kapitál dezenvolvimentu, se Baucau oan sira hamutuk, kapitál dezenvolvimentu ne’ebé iha ho bens servisu ne’ebé iha ho delegasaun kopetensia ne’ebé Governu sentrál fo mai, iha tempu badak Baucau bele sai primeiru munisipius.

Ministru Administrasaun Estatal, S.E. Tomas Rosario Cabral iha nia diskursu hato’o katak iha tempu badak sei estabelese akordu interorganiku ida ho Ministru MPIE para ADN bele atende programa PDIM (Programa Dezenvolvimentu Integradu Munisipál) iha munisipiu.

Hafoin simu tiha posse, Presidente Autoridade Munisipiu Baucau foun, liu husi ninia diskursu hato’o ninia agradesimentu no apresiasaun ba IX Governu relasiona ho komfiansa ne’ebé mak atribui ba nia hodi assume kargu PAM Baucau hodi nune’e bele hala’o misaun iha rai moris fatin Baucau.

“Hau simu komfiansa ida ne’e ho onra no responsabilidade atu bele kontribui ba iha prosesu dezenvolvimentu munisipiu Baucau.” hateten PAM Baucau.

Presidente Autoridade Munisipiu Baucau ne’e kompromete sei esforsu atu hari aliserse hosi baze hodi prepara kondisaun ba prosesu desentralizasaun tuir programa, planu no politika hosi IX Governu Konstitusionál, no sei kolabora ho entidades hotu, tantu sivil, militár, lia na’in, autoridades Suku sira, Konfesoens relijioza no veteranus sira hodi nune’e hametin unidade,páz, estabilidade ne’ebé sai prinsipál hodi nune’e bele aselera desentralizasaun no púder lokál.

PAM Baucau ne’e hatutan mós katak durante nia mandatu ba tinan tolu, sei esforsu hodi identifika problemas iha munisipiu Baucau hanesan esforsu iha área importante sira, fornesimentu bee moos ba komunidade, infrastrutura bázika ne’ebé liga direita ba povu mak hanesan ekonomia, sosiál, kulturál no turismo.

Aleinde tomada pose ba iha PAM Baucau, iha oportunidade ne’e fo pose mós ba iha kargu Sekretáriu Administrasau Munisipál Baucau inklui Diretór Munisipál sira bazeia ba despaxu nú. 06/M-MAE/I/2024. Sekretariu Administrasaun Munisipál Baucau maka hanesan, Sekretáriu Administrasaun Munisipál Administrasaun no Finansas, Sekretáriu Muisipál Asuntu Planeamentu, Investimentu Dezenvolvimentu Munisipál, Sekretáriu Munisipál Asuntu Sosiál no Organizasaun.

Enkuantu Kargu Diretór sira mak hanesan, Diretór Servisu Munisipál Ajénsia Fiskalizasaun, Diretór Ajénsia Planeamentu, Diretór Rekursu Umanu, Diretóra Finansas no Administrasaun, Diretór Planu Dezenvolvimentu Integradu Munisipál (PDIM), Diretór lojistika no Diretór Organizasaun Naun Governamentál. Iha okaziaun ne’e,  tomada pose mós ba Diretór Servisu Edukasaun Baucau, Diretór Servisu Saúde, Diretór Obras Públika, Diretór Servisu Munisipál Água no Saneamentu, Diretór Arikultura Baucau, Diretór Seguransa Alimentar, Diretór Merkadu no Turismu, Diretór Asaun Sosiál, Diretór Protesaun Sivil no Dezastre Naturál, Diretór Rejistu Sivil no Notariadu Baucau.

Oportunidade ne’e, fo pose mós ba iha kargu Administradór postu administrativu nain ne’en mak hanesan Administradór Munisipiu Baucau Vila Sr. Aires Coreia, Administradór postu Baguia Sr. Mario da Silva, Administradór postu Laga Sr. João Castro, Adminstradora postu Vemase Sra. Elda de Sousa, Administradór Postu Quelikai Sr. Paulo Moreira no Administradór Postu Venilale Sr. José Boavida. (Media_ ADN)