Barique, 16/10/2024. Koordenadóra Unidade Jestaun Administrativa (UGA-Sigla Portugés) Sra. Amelia da Costa akompaña mós husi Xefi Departamentu Aprovizionamentu ADN Sra. Ernania de Jesus, Assesor Tékniku ADN Eng. Fransisco dos Reis Hornai no mós Ofisiál sira husi Unidade Jestaun Administrativa mak hanesan Sra. Ferdiana Maia Duarte, Sra. Joedia Marni Tavares inklui Lidia X. P. Varela, iha loron 15/10/2024 liu ba reprezenta hela Diretór Ezekutivu ADN Sr. Rui Lourenço da Costa hodi partisipa iha Komemorasaun Loron Internasionál Feto Rurál ne’ebé maka realiza iha Suku Aubeon, Postu Administrativu Barique, Munisipiu Manatuto.

Selebrasaun Loron Internasional Feto Rural sempre halao iha loron 15 Outubru kada tinan, iha mundu inkui Timor-Leste, hodi fó valoriza ba feto rurál sira nia kontribuisaun ba dezenvolvimentu kada pais. Tema Prinsipál ba selebrasaun Loron Internasionál Feto Rurál ba tinan ida ne’e maka “Hakbi’it Ekonomia Rurál, Kontribui ba sustentabilidade Dezenvolvimentu Lokál”.

Entertantu, Komemorasaun ba Loron Internasionál Feto Rurál ne’ebé maka realiza iha Suku Aubeon, Postu Administrativu Barique, Munisipiu Manatuto ne’ebé ofisiálmente loke husi Sekretária Estadu ba Igualdade Sra. Elvina Sousa Carvalho no kontinua ho atividade lubuk ida maka hanesan; kuá Ke’ek, vizita ba iha baraka sira ne’ebé maka iha fatin komemorasaun, dansa tradisionál, lansamentu filmajén grupu susesu implementasaun mekanismu fundu hadulas, ofisialment distribui deklarasaun Maubise ba Ministeriu Implementadór sira (Ministeriu 17 no BNCTL), Dialogu Aberta no enseramentu ba atividade tomak komemorasaun Loron Internasionál Feto Rurál ne’e rasik ne’ebé maka halo husi Sekretária Estadu ba Igualdade Sra. Elvina Sousa Carvalho.

Komemorasaun Loron Internasionál Feto Rurál ne’e rasik organiza husi Sekretariadu Estadu Igualdade (SEI) no iha komemorasaun ne’e partisipa mós husi Reprezentante Ministeriu Administrasaun Estatál, Reprezentante Vice Ministru Dezenvolvimentu Rural, MCI, Reprezentante Embaixador Australia iha Timor-Leste, Xefe UN WOMEN iha Timor-Leste, Reprezentante PLAN INTERNASIONAL TIMOR-LESTE, CARE Internasional, Prezidente Komisaun F Parlamentu Nasional, Reprezentante GMPTL, Prezidente Autoridade Munisipiu Manatutu, Administradora Postu Natarbora, Administradora Barique, Reprezentante Komando PNTL Barique no Natarbora, Autoridade Lokal no mós Koordenadóra UGA no Ekipa ADN. (Media_ADN)