Dili,24/10/2024. Diretór Ezekutivu ADN Sr. Rui Lourenço da Costa hamutuk ho Adjuntu Diretór Ezekutivu ADN Eng. Januario M. Guterres no mós estrutura, quarta -feira (23/10/2024) horseik, akompaña Ministru MPIE S.E Gastão Francisco de Sousa hodi partispa iha audénsia públika iha Parlamentu Nasionál.

Komisaun E Parlamentu Nasionál maka, Komissaun Espesializada Permanente ne’ebé assegura iha orgánika Regimentál Parlamentu Nasionál Timor-Leste, ho knar ba akompañamentu iha ámbitu espesialidade nian, ne’ebé ligadu ho asuntus no materias hanesan: (i) kona ba atividade legislativa; (ii) kona-ba kontrolu no fiskalizasaun ba atividades Governu nian ne’ebé hatur iha Regimentu Parlamentu Nasionál númeru 3 artigu 95.º no númeru 3 artigu 145.º Konstituisaun Repúblika Demokrátika Timor-Leste, no alínea c) artigu 35.º no artigu 79֯°. tamba ne’e, realizasaun ba audénsia públika ne’e organiza tuir dispozisaun regimental ne’ebé iha. Regimentu Parlamentu Nasionál, fo kompetensia ba Komisaun Espesializada Permanente sira, hodi hatene tuir assuntus polítikus, administrativus no apresia atos Governo nian;

Audénsia públika ida ne’e organiza husi Komisaun Espesializada Permanente sira iha Parlamentu Nasionál, no halo audiénsia ho Ministériu no Instituisaun relevante sira kona-ba apresiasaun inisiál ba Proposta Orsamentu Jeral Estadu (OJE) 2025 no mos exekusaun Orsamentu Jeral Estadu 2024 nian.

Entertantu, akompaña mós Ministru MPIE hodi partisipa iha audénsia públika ne’e, mak Kargu Xefia sira husi instituisaun sira ne’ebé maka tutela ba iha Ministeriu Planeamentu Investimentu Estratejiku (MPIE) no mós assessor sira, hanesan FDCH, CNA, Sekretariadu Grande Projetu no ADN,I.P rasik. (Media_ADN)