Dili, 10/10/2024. Koñesimentu ka abilidade núdar asuntu esensiál ida no dala barak ita simu iha moris loro-loron. Ita bele hetan koñesimentu ka abilidade hosi fatin ne'ebé de'it, iha tempu ne'ebé de'it, no hosi métodu ne'ebé de'it.

Koñesimentu ka abilidade hanesan buat ida ne’ebé ita simu iha moris loron-loron no rasionál, jerál kona-ba faktu sira husi observasaun ne’ebé halo tiha ona.

Iha mundu ne’e, iha koñesimentu barak ne’ebé ita bele simu, tuir ita-nia kbiit atu simu koñesimentu ne’e. Maibé, nu’udar kriatura moris, ita sei la haketak husi buat ne’ebé hanaran konsidera koñesimentu. Tanba , matenek importante tebes ba ita nia moris.

Objetivu husi transferénsia koñesimentu maka atu asegura katak koñesimentu importante sira pasa no mantein iha organizasaun, ekipa, ka komunidade ida nia laran. Hodi fahe abilidade no esperiénsia sira, ema ida-idak bele harii sira nia susesu no evita ema seluk nia sala, hodi lori ba foti desizaun ne'ebé di'ak liu no dezempeñu ne'ebé di'ak liu.

Hahalok fahe koñesimentu maka fatór krítiku ida iha susesu organizasaun nian. Hodi promove kultura fahe koñesimentu, organizasaun sira bele haburas inovasaun, kolaborasaun, aprendizajen kontínua, no dezenvolvimentu kareira individuál. Aleinde ne'e, hahalok fahe koñesimentu hametin kultura organizasionál no fornese vantajen kompetitiva. Importante ba organizasaun sira atu enkoraja no apoia membru ekipa sira iha fahe koñesimentu, tantu liuhosi plataforma dijitál sira, enkontru sira, ka inisiativa espesiál sira, atu nune'e sira bele aproveita sira nia koñesimentu nia potensiál tomak no hetan susesu sustentável.

Haree ba importansia husi fahe konesimentu ne’e rasik, ho nune’e maka ADN realiza atividade sharing Knowledge ne’ebé maka halo husi tékniku ADN sira ne’ebé maka antes ne’e ba partisipa ona formasaun iha nasaun indonézia, no formasaun ida ne’e rasik realiza bazeia ba akordu entre nasaun Timor Leste ho Nasaun Indonézia ne’ebé maka halo ona iha okaziaun liu ba.Área sira ne’ebé tékniku sira aprezenta no fahe mak hanesan ; Supervizaun ba Treinamentu Serbisu Konstrusaun nian, Komisioning IPA Prosesu Operasaun IPA, Kontrolu Kualidade ba Instalasaun Mekániku Elétriku no Kanalizasaun iha Edifísiu sira, no mós Koñesimentu Jerál kona-ba Teste Rai. Atividadei da ne’e organiza husi Unidade Estudu Dezenvolvimentu no Kapasitasaun (UEDC-sigla portugés) no realiza iha  Tifani Meeting Room Bedik-Hun, Fatuhada Dili-Timor Leste .