Dili, 08/10/2024. Ministru Planeamentu Investimentu Etratejiku (MPIE) S.E. Eng. Gastão Fransisco de Sousa fo posse ba kargu Xefia sira husi Ajénsia Dezenvolvimentu Nasionál ne’ebé maka kompostu husi Koordenadór nain haat, Xefi Seksaun sanulu resin rua no mós Asistente Ezekutivu nain ida. Serimonia tomada posse ne’e rasik realiza iha Resintu edifisiu MPIE, Bedik Hun, Fatuhada Dili.

Ministru MPIE iha nia diskursu durante serimonia tomada posse hateten katak, tenki kontenti wainhira o nia maluk id aba oin no kontenti liu tan kuandu nia diak liu o no moris ne’e simples nune’e. Ministru ne’e husu atu halakon ego no haraik an hodi ko’alia bam alu.

“ halakon o nia ego no hakraik an, ko’alia bam alu, tanba ema barak nia interese, o sei la lakon dignidade mós sei la lakon buat ida. Hateten Ministru MPIE S.E

Iha nia intervensaun ne’e Ministru MPIE  mós husu ba iha emposadu sira atu kontinua servisu ho reponsabilidade, dignidade no kontinua hodi obedese ba iha lei no regulamentu ne’ebé maka vigor, no tengki tau interese nasaun nian ás liu no la-bele haree ba interese pesoal.

“Tau interese nasaun nian iha leten no labele haree ba interese pesoal, interese organizasaun saida de’it mak sira inklina-aan ba nune’e bele halo servisu ho di’ak no loloos hodi bele kontribui ba dezenvolvimentu nasaun no lori moris di’ak ba povu, Fiar ne’ebé fó ba ita-boot sira hala’o ho responsabilidade no dignidade, tanba fiar ne’e fó dala ida de’it, sei la fó dala rua.” Hateten Ministru MPIE

Entertantu Adjuntu Diretór Ezekutivu ADN Eng. Januario M. Guterres, ne’ebé maka iha oportunidade ne’e reprezenta hela Diretór Ezekutivu ADN iha nia diskursu aleinde parebéniza ba iha emposadu sira, nia mós hatutan hela mensajén sira ne’ebé hato’o husi Diretór Ezekutivu ADN nian ba emposadu sira no mós agradesimentu ba iha S.E Ministru ba apoiu tomak,orientasaun no exemplu sira hotu ba ADN.

“ Agradese mos ba Sua Excelencia Ministro Planeamento nia apoiu, Orientasaun no exemplo mai ADN hodi hetan rekonhecimento a’as iha sociedade nia laran. Elementos sira halo servisu ho rejultado diak tamba iha lider ne’ebe forte iha sira nia oin, kotuk no sorin,sorin. Tamba ne’e aproveita oportunidade atu agradese ba Sua Excelencia Primeiro Ministro, Sua Excelencia MPIE, Sua Excelencia MAE nomos membro CAFI tomak hahu husi Ministras sira to’o ba SGP, CNA no ADN. Aproxiasaun no rekonhecimento ba ADN ne’ebe lee sai iha Igreja Timor-Leste laran tomak tamba ita hotu-hotu nia servico.” Hateten D.E AND ne’ebé maka haktuir husi Adjuntu Diretór Ezekutivu.

Iha oportunidade ne’e Diretór Ezekutivu através Adjuntu Diretór Ezekutivu hato’o mós agradesimentu ba iha Koordenadór no Koordenadóra Sesante sira ne’ebé maka nafatin hatudu atetude professional ba ADN.

“ Agradese ba Melania ne’ebé demonstra nafatin attitude núdar Bin, Professional no domin ba ADN, Agradese ba Vania nia haraik a’an intelegente dedikada, saran nia persiatensia hatudu ADN nia furak nafatin, Agradese ba Nelson nia haraik a’an no fuan bo’ot, ba imi nain tolu hau nia dezeja Susesu iha kareira no responsabilidade foun, Imi sira hanesan ne’e mak bele sai futuru liders ADN nian. Hateten D.E ADN no hato’o husi Adjuntu Diretór Ezekutivu ADN.

Diretór Ezekutivu ADN nia mensazén ne’ebé maka partilla husi Adjuntu Diretór Ezekutivu perante serimonia tomada posse ne’e,  kontinua hato’o mós nia agradesimentu ba iha Koordenadóra Sesante no Xefi Seksaun Sesante ne’ebé maka termina rasik sira nia kareira iha ADN. No iha oportunidade ne’e husu atu servisu ho firmiza leal ba malu ho imperative povu ida ne’e.

“ Ba Xefi foun sira hotu promosaun ne’ebé ohin akontese núdar esforsu atu reforsa liu tan kbiit ita nia inotitivasaun sira hotu ne’ebé antigu no kleur tebes hakna’ar a’an núdar Xefi promovidus ba Asesores Tekniku ADN. Ho nune’e sira ne’ebé iha esperiensias dezempeñamentu diak la-bele lakon oportunidade  atu hetan promosaun. Ne’e duni ba imi hotu hau nia parabéns no desezu ita hotu servisu ho firmiza leal ba malu ho imperative povo ida ne’e.’’ Hateten D.E ADN ne’ebé maka haktuir husi Adjuntu Diretór Ezekutivu iha nia intervensaun.

Entertantu emposadu sira ba Kargu Koordenadór no Kargu Xefi Unidade sira ne’ebé maka hetan nomeasaun husi S.E Ministru MPIE bazeia ba despassu N.º 301/VIII/GMPIE/2024 no públika ona iha Jornál Repúblika iha loron 27 fulan Augustu tinan 2024 liu ba mak hanesan; Sr. José Fernando Liu Soares, núdar Koordenador  Unidade Avaliasaun Projetu (UAP); Sr. Demistocles G. X. F. Cabral, núdar Koordenador Unidade Estudus no Dezenvolvimentu Kompetênsias (UEDC); Sra. Amélia da Costa, núdar Koordenadora  Unidade  Jestaun Administrativa (UGA); Sr. Francisco Xavier de Deus Jerónimo, núdar Koordenador  Unidade  Kontrolu no Validasaun  Qualidade (UCVQ), Sr. Ambrósio Martins Nuno, núdar Xefi Departamentu Laboratóriu,  Sr. Rogério Marçal Pires, núdar Xefi Departamentu Infraestruturas Transporte, Irrigasaun, Água e Saneamento, Sr. Johannes Hornai, núdar Xefi Departamentu Edifísiu Públiku, Mekânika no Enerjia Elétrika, Teknolojia Informasaun no Komunikasaun Jardins no Monumentus, Sr. Joaquim Pinto Amaral, núdar Xefi  Departamentu Estandarizasaun, Sr. Aleixo Andrade, núdar Xefi  Departamentu Pesquiza, Sra. Maria José Rosario de Jesus, núdar Xefi Departamentu Kapasitasaun, Sr. Egídio Gonçalves,núdar Xefi Departamentu  Edifisiu Públiku, Sr. Remígio X. da C. Santos, núdar Xefi  Departamentu Infraestruturas Transportes, Sr. Deolindo de Fátima Marques, núdar Xefi  Departamentu Mekanika no  Enerzia Elétrika,  Sra. Angela Mericia Engong Correira núdar Xefi Departamentu Finansas, Sra. Ernania de Jesus Sarmento núdar Xefi Departamentu Aprovizionamentu, Sr. José Amaral núdar Xefi Departamentu Lojistika no Patrimoniu no Sr. João Paulo Amaral núdar Assistente Ezekutivu.  Kargu hirak ne’e ba durasaun durante tinan haat no efeitu hahu iha 01 Setembru 2024. (Media_ADN)