Lautem,09/01/2025. Diretór Ezekutivu ADN Sr. Rui Lourenço da Costa hamutuk ho nia ekipa, Eis Administradór Postu Tutuala, Lia Nain no mós komunidade balu, halo Site Visit ba iha foho Hihoru (ILIPERE), Tutuala, Munisipiu Lautem.

Iha site visit ne’e, ho objetivu atu haree besik liu tan kondisaun sira iha fatin refere hodi nune’e iha tempu besik sei halo konstrusaun Dalan hodi asesu ba iha Foho Hihoru (ILIPERE), inklui halo fatin parazén ba Transporte no mós eskada hodi nune’e vizitante sira uza iha momentu halo vizita ba iha Foho Hihoru (ILIPERE).

Iha Foho Hihoru (ILIPERE) ne’e, komunidade sira sei konstrui hikas sira nia Uma Lisan no ba futuru fatin ne’e sei sai mós núdar sitiu turistiku ida (Turismu Komunitariu), ho nune’e maka komunidade sira ne’ebé maka partensia ba iha fatin refere husu atu Governu bele apoiu, tanba ne'e maka ADN mós hetan orientasaun hodi tun ba haree besik fatin ne’e hodi bele fo apoiu liu husi konstrui Parazén ba Transportes, Eskada no mós seluk tan atu nune’e bele halo fatin ne’e sai furak liu tan no ba futuru la’os de’it uza hodi realiza ka selebra serimonia kulturál nian maibé sai mós fatin turistiku hodi bele atrai turistas sira tantu lokál no internasionál. (Media_ADN)