Dili, 20/02/2025. Ekipa tékniku ADN destakadu iha munisipiu Viqueque halo Monitorizasaun ba projetu Ensinu Sekundaria Gerál (ESG) 04 de Setembro ne’ebé maka implementa husi kompaña Gidae (Nuda Culoi) Unipesoál Lda.

Iha munisipiu Ermera, tékniku ADN destakadu iha munisipiu ne’e, akompaña tékniku Laboratoriu ADN no mós kontratór hodi halo teste ba Betaun 7 Dias ba kampas nian hodi bele aselera prosesu ba fundisaun nian ba projetu konstrusaun foun Kampas, Pavimentu no mós Drainazén iha Jardin Herois Fatuquero no projetu ida ne’e implementa husi kompaña Franda Unipesoál Lda.

Soring seluk, tékniku ADN destakadu iha munisipiu Manatuto, realiza mós sira nia atividade monitorizasaun hodi ba monitoriza projetu konstrusaun foun vedasaun,moru protesaun, obra eskavasaun iha Jardin Herois Natarbora, projetu ida ne’e implementa husi kompaña Reza Unipesoál Lda. Iha loron tuir mai sira mós halo atividade monitorizasaun ba projetu rehabilitasaun Igreja Santo Antonio Manatuto.

Hakat ba munisipiu Bobonaro, tékniku ADN ne’ebé maka destaka iha munisipiu ne’e mós halo monitorizasaun ba projetu konstrusaun PKRIE EPE Maumela iha postu Administrativu Cailaco ne’ebé maka implementa husi Grupu Komunitariu, iha oportunidade hanesan, halo mós monitorizasaun ba projetu konstrusaun edifisiu Pre-Eskolar EPE Lesupu Purugua ne’ebé implementa husi empreza Arlei Henlice no lokaliza iha Postu Administrativu Cailaco. Ekipa ADN hirak ne’e halo mós monitorizasaun ba projetu konstrusaun PKRIE EPE ne’ebé maka implementa husi grupu komunitariu no lokaliza iha Saburai. Halo mós monitorizasaun ba projetu rehabilitasaun postu UPF ne’ebé maka implementa husi empreza Leobalu no lokaliza iha Saburai, kontinua mós ho monitorizasaun projetu rehabilitasaun melloramentu Postu UPF Nularan ne’ebé implementa husi empreza Carliana Xavsro iha postu Administrativu Maliana. Kontinua mós ho monitorizasaun ba projetu rehabilitasaun Postu UPF Memo ne’ebé implementa husi empreza BM Genu no lokaliza iha Postu Administrativu Maliana. Inklui halo mós monitorizasaun ba projetu rehabilitasaun melloramentu postu UPF Uma Cou ne’ebé implementa husi empreza Acu Hoe no lokaliza iha Postu Administrativu Maliana.

Husi munisipiu Manufahi, tékniku ADN sira mós halo monitorizasaun ba projetu EPE Caimauc ne’ebé maka implementa husi grupu Komunitariu.

Mai fali iha munisipiu Covalima, iha munisipiu ne’e, tékniku ADN sira mós halo monitorizasaun ba projetu konstrusaun foun uma mahon salele ne’ebé maka implementa husi kompaña Levi Construction Unipesoál Lda. Iha loron tuir mai tékniku hirak ne’e halo mós monitorizasaun ba projetu konstrusaun postu Vizilansia UPF moruk Laran, ne’ebé implementa husi kompaña Sales Luis Unipesoál Lda no lokaliza iha Kasabauk Tilomar.

Mai hikas munisipiu Ermera, tékniku ADN destakadu iha munisipiu ne’e halo mós atividade inspesaun projetu konstrusaun moru liur estabelesimentu komarka Gleno ne’ebé implementa husi kompaña Dacobs Brites Lda ne’ebé sosiu ho Altarica Unipesoál Lda.

Iha munisipiu Baucau, tékniku ADN mós halo atividade monitorizasaun ba projetu konstrusaun Eskola Paralelo Aubaca Triloka ne’ebé implementa husi grupu komunitariu.(Media_ADN)