Dili, 21/02/2025. Atividade monitorizasaun realiza hodi determina nivel atinjimentu no konformidade entre planu sira ne’ebé estabelese ona no rezultadu ne’ebé hetan bainhira hala’o monitorizasaun. Monitorizasaun halo atu nune’e bele buka hatene problema ne’ebé akontese durante atividade sira ne’e implementa.

Objetivu husi faze monitorizasaun no kontrolu maka atu sukat dezempeñu husi prosesu foun no identifika ho proativu risku potensiál sira ne'ebé akontese durante implementasaun projetu.

Importansia husi monitorizasaun ne’e rasik no kabé mós ba iha kompetensia husi ADN nian ne’ebé maka atribui ona ba ADN ho nune’e maka, tékniku ADN sira ne’ebé maka destakadu iha munisipiu 13 inklui RAEOA kontinua hala’o sira nia dever.

Aktu ida ne’e ita bele haree atravéz tékniku ADN destakadu iha munisipiu 13 kontinua tun ba tereñu hodi monitoriza projetu sira ne’ebé maka implementa daudaun iha tereñu.

Hanesan ita haree, tékniku ADN destakadu iha Liquiça kontinua halo monitorizasaun ba projetu emerzénsia Gabion Mota Maumeta ne’ebé maka implementa husi kompaña Metalika Unipesoál Lda. Iha oportunidade seluk, tékniku hirak ne’e partisipa mós enkontru ho PAM Liquiça kona-ba delegasaun teritorial. Tékniku ADN destakadu iha munisipiu Liquiça hamutuk ho MOP Liquiça no mós UIVP/ MOP halo monitorizasaun konjuntu ba Projetu emerzénsia Gabion Mota Maumeta Liquiça. Iha oportunidade seluk, tékniku ADN destakadu iha munisipiu Liquiça ne’e halo mós monitorizasaun ba projetu rehabilitasaun Estrada rurál Letola, Liquiça implementa husi kompaña TM Caileba.

Tékniku ADN destakadu iha munisipiu Liquiça ne’e halo mós monitorizasaun ba projetu Gabion Protection Mota Gugleur Loes ne’ebé maka harii husi kompaña Malibo Unipesoál Lda.

Atividade hanesan, hala’o mós husi tékniku ADN destakadu iha munisipiu Ainaro ne’ebé maka ba monitoriza projetu rehabilitasaun Estrada Horahou Maubise ba Same Turiskai ne’ebé implementa husi kompaña Montana di’ak Unipesoál Lda. Sira halo mós monitorizasaun ba projetu rehabilitasaun Estrada Maubise-Turiskai Faze III, Estrada sesaun MAubise-Turiskai ne’ebé maka implementa husi kompaña Montana Di’ak.

Monitorizasaun ne’e mós halo ba projetu konstrusaun Moru protesaun Gabion no Groines ba mota Cassa ne’ebé maka implementa husi kompaña HELAMULA Unipesoál Lda.Aleinde ne’e, halo mós monitorizasaun ba projetu routine maintenance work performance Based Contract ba munisipiu Ainaro ne’ebé maka implementa husi kompaña Sunrise Golden Construction Lda ne’ebé maka sosiu ho Nestudasil Unipesoál Lda.

Tékniku ADN destakadu iha munisipiu Lautem ne’e, halo mós monitorizasaun Projetu Construction of Retaining Wall ba Skema Irigasaun Oebaba no Bonuc Agriculture Zone iha Mota Belulic, munisipiu Ainaro ne’ebé implementa husi kompaña Salimagu Unipesoál Lda.

Tékniku ADN destakadu iha munisipiu Manatuto partisipa iha enkontru mensal ho kompaña no mós nain ba projetu (MOP) hodi rona kompaña sira no mós fo instrusaun servisu iha tereñu. Tékniku sira ne’e halo mós monitorizasaun ba projetu rehabilitasaun Estrada Rurál Rembor Chainage Manatuto.

Husi munisipiu Covalima, tékniku ADN sira mós halo monitorizasaun ba rehabilitasaun Estrada rurál Beco Tobur II ne’ebé maka implementa husi kompaña Lifran Unipesoál Lda.

Tékniku ADN destakadu iha munisipiu Bobonaro, realiza mós atividade monitorizasaun semanál ba progresu servisu ho Consultant WAN HUSIN JV LINIER no mós Kontraktór PT. HUTAMA KARYA & PT BINA MITRA.

Iha munisipiu Lautem, tékniku ADN monitoriza ba projetu R4D ne’ebé maka implementa husi kompaña Vivacious Form Unipesoál Lda. Iha monitorizasaun ne’e, tékniku ADN sira detekta iha failansu balun ne’ebé maka halo husi parte kompaña hodi nune’e ADN no tékniku sira husi MOP fo orientasaun ba kompaña hodi hadi’a failansu ne’ebé maka detekta ne’e. Tékniku ADN munisipiu Lautem mós halo monitorizasaun ba projetu Gabion iha mota Afabubo, Luro ne’ebé maka implementa husi kompaña Felifra Unipesoál Lda. Iha oportunidade hanesan tékniku ADN destakadu iha munisipiu Lautem halo mós monitorizasaun ba projetu konstrusaun Moru Protesaun Ponte Apikuru Lautem, ne’ebé maka implementa husi kompaña Neltifer Unipesoál Lda.

Husi munisipiu Viqueque, tékniku ADN sira monitoriza ba projetu rehabilitasaun Estrada rurál dezenvolvimen, ne’ebé maka implementa husi kompaña Metaqueli Unipesoál Lda no lokaliza iha Ossu Liaruka. Tékniku hirak ne’e halo mós monitorizasaun ba projetu rehabilitasaun Loihu Uagia (Retensaun) ne’ebé implementa husi kompaña Keycen Unipesoál Lda. Halo mós monitorizasaun ba projetu rehabilitasaun Estrada Uagia ne’ebé implementa husi kompaña Manako Unipesoál Lda.

Hakat ba munisipiu Ermera, iha munisipiu ne’e, tékniku ADN partisipa iha reuniaun koordenasaun servisu entre ADN no MOP munisipiu Ermera hamutuk ho kontraktór FANEKI Unipesoál Lda hodi haree ba iha projetu Sub-Baze no Base Course, haree mós ba Dezeñu Cross Section hodi hadi’a elevasaun iha Dezeñu atu bele halo kontrola volume servisu, ko’ali mós kona-ba estabilidade dalan liu husi halo kompaksaun hodi asegura udan, iha enkontru ne’e ko’ali mós kona-ba hamós área baze molok kontinua servisu no asuntu ikus liu maka kona-ba observa material tenki mós no la kontamina ho Ai-abút, Taho Teen, Fatúk ne’ebé boot liu.

Iha munisipiu Covalima, tékniku sira mós monitoriza projetu rehabilitasaun Estrada rurál Nanu, ne’ebé implementa husi kompaña Yafa Unipesoál Lda no lokaliza iha postu Fatumeta munisipiu Covalima. Iha parte seluk, tékniku ADN hirak ne’e halo mós monitorizasaun ba projetu rehabilitasaun Estrada Has Ain-Ila Maucatar ne’ebé maka implementa husi kompaña Tatamero Unipesoál Lda.

Tékniku ADN destakadu iha munisipiu Manufahi halo mós atividade monitorizasaun ba projetu Wall Protection Gabion iha Mota weberek Same ne’ebé maka implementa husi kompaña Hahi Nea Ria.

Tékniku ADN destakadu iha munisipiu Baucau, reazlia mós atividade monitorizasaun hodi ba monitoriza projetu rehabilitasaun Estrada munisipiu nian, Seksaun Laga-Baguia ne’ebé maka kompaña Norinco International Cooperation Ltd halo mós monitorizasaun ba projetu rehabilitasaun Estrada rurál, Dailara-Samaguia ne’ebé maka implementa Nautetu Fatima Unipesoál Lda.

Tékniku ADN destakadu iha munisipiu Baucau halo mós monitorizasaun ba projetu rehabilitasaun Estrada Caravela-Caisido-Aeroportu Baucau ne’ebé maka implementa husi kompaña Central Hill Unipesoál Lda.

Tékniku ADN destakadu iha munisipiu Baucau ne’e halo mós monitorizasaun ba projetu rehabilitasaun Estrada Triloca-Fatumaca-Loilubu-Venilale ne’ebé maka implementa husi kompaña Jolitoni Unipesoál Lda. Monitoriza mós projetu rehabilitasaun Estrada Triloca-Fatumaca-Loilobu-Venilale ne’ebé maka implementa husi Glory Enterprise no Estrada Triloca-Fatumaca-Loilobu-Venilale ne’ebé implementa husi kompaña Golden Way Construction Unipesoál Lda.

Objetivu prinsipál sira hosi monitorizasaun maka atu sukat dezempeñu hasoru alvu no padraun sira ne'ebé estabelese ona. Atu identifika desviasaun sira hosi rezultadu sira ne'ebé hein no atu halo ajustamentu nesesáriu sira. Atu fornese feedback ba na'in ba prosesu no parte interesada sira kona-ba efikásia prosesu no área sira atu hadi'a. (Media_ADN)