Maliana, 25/02/2025. Ekipa Tékniku kompostu husi, ekipa husi laboratoriu ADN, tékniku Laboratoriu Ministériu Obras Públika, ekipa tékniku Long Project ADN, Konsultór Supervisio WAN HUSIN,  mós Kontraktór HUTAMA KARYA no BINA MITRA hamutuk halo teste ba materiál Base Course no Surface Course no mós kalibrasaun ba Trail Performance iha Nunura Maliana.

Teste ne’e realiza hodi nune’e bele garantia kualidade materiál ne’ebé maka utiliza iha tereñu, no hala’o iha Laboratoriu kontratór nian. Atividade ne’e rasik hala’o durante loron rua, hahu husi loron 24 to’o loron 25 fulan Febreiru 2025. Baze Course wainhira ita utiliza iha estrada Alkatrahun, pista seluk mak hanesan pista korrida nian, pista ba kampu aviasaun no fatin desportu sira. Kamada ida-ne'e funsiona atu tahan presaun tráfiku no distribui karga roda nian ba sub-baze no sub-gradu.

Base Course bele hetan iha Sub-base nia leten antes nahe alkatrahun. Funsaun husi Base Course hodi aguenta presaun tráfiku, Distribui karga roda nian ba sub-baze no sub-gradu.

Enkuantu Surface Course maka parte leten liu hosi pavimentu, ne'ebé kompostu husi Binder Course (AC-BC) no Wearing Course (AC-WC).

Joing test ne’e rasik foin maka halo test Grading Hot bin Dry Mix Combine ba item AC-BC antes atu halo implementasaun iha terenu. Kamada ne'ebé uza tenke iha durabilidade, rezisténsia ba be'e, kabe’er no abrasivu. (Media_ADN)