Dili, 11/03/2025. Ekipa ADN destakadu iha munisipiu Manatuto akompaña ekipa Konsutór ADN halo monitorizasaun ba Projetu Konstrusaun Edifisiu foun Ministeriu Administrasaun ESTATAL (MAE) ne’ebé maka implementa husi kompaña JIC Unipesoál Lda no lokaliza iha Manatuto Vila.

Iha munisipiu Baucau, tékniku ADN halo mós monitorizasaun ba projetu rehabilitasaun edifisiu G.I.J.K iha ospitál referral Tirilolo ne’ebé maka implementa husi kompaña Baduolira Unipesoál Lda.

Husi rai ketan RAEOA, tékniku AND ne’ebé maka destaka iha RAEOA mós halo monitorizasaun ba projetu konstrusaun foun postu UPF nian ne’ebé maka implementa husi kompaña Tom’s Building Unipesoál Lda no lokaliza iha Noelekat Oesilo RAEOA.

Tékniku hirak ne’e monitoriza mós ba projetu konstrusaun foun postu UPF nian ne’ebé maka implementa husi kompaña Valey Disert Unipesoál Lda no lokaliza iha Sesu Passabe.

Atividade monitorizasaun ba projetu ne’e halo mós husi tékniku ADN ne’ebé maka destaka iha munisipiu Covalima, iha ne’eba tékniku ADN monitoriza progresu no prosesu ba konstrusaun postu vizilansia Unidade Polisia Fronteira (UPF) nian ne’ebé maka implementa husi kompaña Sales Luis Unipesoál Lda no lokaliza iha Moruk Laran.

Biban hanesan, tékniku ADN destakadu iha munisipiu Bobonaro mós halo inspesaun ba projetu konstrusaun PKRIE EPE ne’ebé maka implementa husi Grupu Komunitariu no lokaliza iha Opa Vila, Lolotoe.

Projetu konstrusaun foun Uma Mahon Salele ne’ebé nia konstrusaun implementa husi kompaña Levi Construction Unipesoál Lda, hetan mós monitorizasaun husi tékniku ADN sira ne’ebé destaka iha munisipiu Covalima.

Iha munisipiu Ainaro, tékniku ADN sira halo mós inspesaun ba projetu konstrusaun Turismu Komunitariu ne’ebé maka implementa husi Sentru Nasionál Empregu no Formasaun Profisionál (CNEFP-Sigla Portugés) Tibar. Alende ne’e, tékniku hirak ne’e monitoriza mós projetu Konstrusaun apoiu ba Projetu Demonstrasaun DTMB-A LOTE 3:Fleixa ne’ebé implementa husi Perseroan terbatas (PT) Global Citra Tama no lokaliza iha Aituto, Ainaro. (Media_ADN)