ADN - MNEK: ENKONTRU KOORDENASAUN SERVISU
- Publika husi: Maximiano
- Loron: 27/May/2025
Dili,27/05/2025. Diretór Ezekutivu ADN Sr. Rui Lourenço da Costa akompaña husi Adjuntu Diretór Ezekutivu ADN Eng. Januario M.Guterres, Sekretáriu Ezekutivu Gabinete ADN Sr. João Paulo Amaral no mós Tékniku Nasionál ADN nia halo enkontru ho ekipa husi Ministeriu Negósius Estranjeirus no Kooperasaun (MNEK) ne'ebé maka reprezenta husi Sra. Fonciana de Deus no mòs Sra. Ivone José Patrocino. Enkontru ne’e hala'o iha loron Segunda-feira (26/05/2025) horseik iha servisu fatin Diretór Ezekutivu ADN nian.
Iha enkontru ne’e parte MNEK mai halo komfirmasaun no mós halo koordenasaun ho Parte ADN nian relasiona ho tempu badak sei halo vizita servisu ba nasaun Brasil hodi ba haree rai ne'ebé maka oferese husi Governu Brasil ba Timor-Leste atu nune'e oinsa maka Governu Timor-Leste bele utiliza rai ne’e ba konstrusaun sede misaun diplomatika Timor-Leste nian iha Nasaun Brasil. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;