Baucau, 25/06/2025. Kordenadora Unidade Jestaun Administrativa (UGA-Sigla Portugés) no mós tékniku ADN destakadu iha munisipiu Baucau partisipa iha serimonia entrega ofisál Planu Munisipál Ordenamentu Territoriu (PMOT) Munisipiu Baucau nian ne’ebé maka hala’o iha loron Tersa-feira (24/06/2025) horseik iha Sentru Konvensaun Baucau, Vila Antiga.

Munisipiu Baucau hanesan sentru ekonomiku no polaridade estruturante rejiaun oriental Timor Leste nian, ne'ebé afirma husi dezemvolvimentu industria, turismu, komersiu no servisu iha nível superior, valoriza no esplora iha tempu ne'ebé hanesan potensiál agrikola rejiaun nian no nia rekursu naturál, patrimoniál no kulturál sira, liu-liu iha Baucau vila.

Serimonia entrega ofisiál Planu Munisipál Ordenamentu Territoriu (PMOT) Munisipiu Baucau nian ida ne’e rasik halo husi Sekretáriu Estadu Dezenvolvimentu Lokál, Mateus W. dos Santos Tallo, ne’ebé maka akompaña husi Diretór Jerál Ordenamentu Territoriu, Sr. Roger T. Belo, no mós Prezidente Autoridade Munisipiu Baucau, Sra. Dra. Veneranda E. M. L. Martis.(Media_ADN)