Lautem, 25/06/2025. Ajénsia Dezenvolvimentu Nasionál (ADN) liu husi Koordenadór Unidade Estudu no Dezenvolvimentu Kompetensias (UEDC-Sigla Portugés ) Sr. demistocles G. X. F. Cabral, Kordenadora Unidade Jestaun Administrativa (UGA-Sigla Portugés) no mós tékniku ADN destakadu iha munisipiu Lautem partisipa iha serimonia entrega ofisiál Planu Munisipál Ordenamentu Territoriu (PMOT) Munisipiu Lautem ne’ebé maka hala’o iha loron Segunda-feira (23/06/2025) liu bai ha salaun enkontru Autoridade Munisipál Lautem.

Planeamentu Munisipál no Ordenamentu Territoriu (PMOT) ne’e hanesan Instrumentu planeamentu ida ne'ebé aprova liu husi Dekretu Lei nu. 35/2021. Lei ida ne'e fo dalan atu estabelese estratejia dezenvolvimentu territorial no politika munisipál ordenamentu territoriu no urbanizmu nian.

PMOT sei sai hanesan instrumentu ka feramenta da-huluk ho forsa legál atu orienta, kontrola ba okupasaun, uzu no transformasaun rai nian husi entidade publika no privada iha nivel municipal, fo orientasaun no kordenasaun ba investimentu publiku.

Serimonia entrega ofisál Planu Munisipál Ordenamentu Territoriu (PMOT) Munisipiu Lautem ida ne’e rasik halo husi Ministru Planeamentu Investimentu Estratejiku (MPIE) S.E Eng. Gastão Fransisco de Sousa ne’ebé maka akompaña mós husi Diretór Jerál Diresaun jerál Ordenamentu Teritoriu Sr. ROGER TERTULIANO DE. F. B. BELO no mós Prezidente Autoridade Munisipiu Lautem Sr. Melio de Jesus no partisipa mós husi administradór Postu sira Munisipiu Lautem nian, Lideransa Komunitariu sira, Parseirus dezenvolvimentu sira, Kargu Xefia sira, Assesór sira, Padres no Komvidadus sira. (Media_ADN)