Dili, 25/06/2025. Tékniku laboratoriu ADN akompaña husi kontratór Santana Diak Unipesoál Lda, tersa-feira (24/06/2025) horseik , hala’o atividade teste ba projetu Konstrusaun Moru protesaun Cyclope Regulation Mota Bedois, Camea, Becora,Dili.

Iha teste ne’e, tékniku sira detekta asuntu balun maka hanesan; Item servisu Cyclops tuir lolos utiliza konkretu 21 Mpa, wainhira implementa tuir spesiifikasaun mak misturasaun Fatuk 40% ho konkretu 60% maibe realidade kompaña ne’ebé implementa projetu ne’e la utiliza konkretu no sira uza fali maka Mortar ho nune’e orienta kompaña implementadór hodi sobu no hadi’a hikas moru protesaun cyclope ne’ebé mak konstrui ona.

konkretu ne'e rasik nia misturasaun mak kompostu husi simenti, Rai henek, fatuk musan (kerikil), no Bee. Enkuantu Mortar ne’e rasik nia misturasaun mak kompostu husi simenti, Rai henek, no Bee.

Mortar no konkrit (betaun) hanesan materiál konstrusaun rua ne’ebé baibain utiliza iha konstrusaun, maibé iha kompozisaun no funsaun ne’ebé la hanesan.

Mortar maka mistura ligasaun nian ne'ebé uza hodi kaer hamutuk tijolu sira, bloku betaun sira, ka fatuk sira iha konstrusaun ho ninia Kompozisaun maka hanesan, Simentu, Rai-henek ne'ebé di'ak no mós Bee. Ninia Funsaun maka, Liga elementu konstrusaun sira hanesan tijolu no bloku betaun sira, Prenxe lakuna sira entre tijolu sira hodi halo estrutura sai metin no halo nivelamentu ba superfísie sira molok pinta.

Konkretu ka Betaun maka materiál konstrusaun estruturál ne'ebé uza hodi kria elementu sira ne'ebé metin hanesan viga sira, koluna sira, rai-henek sira, no fundasaun sira. Kompozisaun husi konkretu maka hanesan: Simentu, Rai-henek ka agregadu (Kerikil) Bee ho ninia funsaun maka hodi Suporta karga estruturál sira iha edifísiu sira. Uza iha konstrusaun estrada, ponte, edifísiu, no estrutura oioin seluk tan. (Media_ADN)