Ministru MPIE Halo Abertura Ofisiál ba Planu Munisipál Ordenamentu Teritóriu Iha Munisipiu Covalima no Manufahi.
- Publika husi: Maximiano
- Loron: 04/Jun/2025
Dili, 04/06/2025. Adjuntu Diretór Ezekutiv ADN Eng. Januario M. Guteres hamutuk ho Koordenador UCVQ Arg. Fransisco X. de deus Jeronimo, teknika sira husi EPAS-UCVQ ADN no mós tekniku ADN sira ne'ebé maka destaka ha munisipiu Covalima partisipa iha programa abertura ofisiál Planu Munisipal Ordenamentu teritóriu (PMOT) neʼebé maka realiza iha loron Segunda-feira (01/06/2025) liu ba iha Salaun enkontru Administrasaun Munisipiu Covalima.
Sosializasaun ida ne'e importante tebes, tanba ne'e maka Governu através Ministru MPIE S.E Gastão Fransisco de Sousa hamutuk ho Sekretariu Estadu Dezenvolvimentu Lokal Sr. Mataeus dos Santos Talo, Prezidente Autoridade Munisipiu Covalima Sr. Miguel Armada Cardoso no mós Diretór Jerál Diresaun Jeral Ordenamentu Teritoriu Sr. Roger Tertuliano de F.B. Belo halo abertura ofisiál ba PMOT ida ne'e.
Planu Munisipál Ordenamentu teritoriu (PMOT) ida ne'e rasik inisia husi Diresaun Jerál Ordenamentu Tertitóriu (DGOT- sigla portugez), neʼebé mak servisu sentral administrasaun direta husi MPIE họ nia responsável ba konsepsaun, dezenvolvimentu, no implementasaun politika nasional ordenamentu territóriu nian, espesialmente liu husi dezenvolvimentu sistema planeamentu territóriu no organizasaun no jestaun informasaun geoespasiál, ho objetivu atu promove dezenvolvimentu balansu, integradu no sustentável territóriu nian, assegurandu iha simultansu defesa no valorizasaun patrimóniu kultural no naturál.
sosializasaun ida ne'e núdar preparasaun ida, tanba uainhira Kamára Munisipál implementa maka presiza rekursu umanu neʼebé maka kualifikadu no preparadu, tanba ne'e ho atividade ida ne'e, ba oin bele prepara rekursu umanu hodi hatan ba implementasaun husi kamara munisipal ne'e rasik.
Hafoin halo tiha abertura ofisiál Planu Munisipal Ordenamentu teritóriu (PMOT) iha munisipiu Covalima, S.E Ministru MPIE hamutuk ho komitiva kontinua hakat hikas ba iha munisipiu Manufahi hodi halo mós abertura ba Planu Munisipál Ordenamentu teritoriu iha munisipiu Manufahi, neʼebé maka partisipa mós husi tekniku ADN sira ne'ebé maka destaka iha munisipiu Manufahi.
Abertura ofisial ne'e rasik hala'o iha loron Tersa-feira (02/06/2025) iha salaun enkontru Administrasaun Munisipiu Manufahi nian. (Media ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;