Dili, 12/06/ 2025.Diretór Ezekutivu ADN Sr. Rui lourenço da Costa akompaña Adjuntu Diretór Ezekutivu ADN Eng, Januario M.Guterres ho mós Kargu Xefia sira inklui ho Assesór no Assesóra Tékniku Nasionál ADN, Quarta-Feira (11/06/2025) horseik, Partesipa iha enkontru koordenasaun servisu entre JICA, ANATL, MTK no MOP. Enkontru ne’e rasik realiza iha Sala Enkontru JICA nian iha Rua Loromata No. 3 Shah Garden, 83 Dili.

Iha enkontru ida ne’e, ho objetivu atu asiste hamutuk aprezentasaun husi ekipa sira husi Japan International Cooperation Agency (JICA) no mós halo diskusaun relasiona ho projetu hadi’a Aeroportu Internationál Prezidente Nicolau Lobato nian liliu kona-ba terminal pasajeiru foun.

Eskopu ba aprezentasaun ida ne’e kona-ba planu dezeñu Aeroportu nian, Planeamentu Terminál, Planu layout, Dezeñu estruturál, Planeamentu área prinsipál, remata arkitetóniku sira, Sistema mekániku no Elétriku sira, padraun sira ICAO nian, implementasaun ba projetu no mós asuntu sira seluk kona-ba koordenasaun nian.

Aprezentasaun ida ne’e halo husi Consortium Japan Airport Consultants, Ic, Ehira Architect and Engineers, Inc, Oriental Consultant Global Co. ltd no mós Nippon Koei,Co.Ltd. ho objetivu atu hetan apresiasaun ba DED Aeroportu Internationál Prezidente Nicolau Lobato.