Covalima, 26/06/2025. Tékniku ADN Covalima hamutuk ho ekipa husi ME-ADN halo Inspesaun Pagamentu ba Projetu Rehabilitasaun ba edifisiu ezistente postu UPF, TL-PDP ne'ebé maka Implementa husi Kompaña Lifran Unipesoál Lda. Projetu ida ne’e Ministeriu Interior maka údar na’in ba projetu ho montante kontratu maka $ 49,527.56 ho ninia durasaun kontratu durante fulan 2, daudaun ne’e progresu fiziku atinze ona 95%. Projetu ida ne’e rasik lokaliza iha Aikakar, Postu Administrativu Fatumea, munisipiu Covalima.

Tékniku ADN no mós tékniku sira husi ME-ADN halo mós inspesaun ba projetu rehabilitasaun edifisiu postu UPF,TL-PDP ne’ebé maka implementa husi kompaña Tessa Opiop Unipesoál Lda. Montante kontratu ba projetu ida ne’e maka $ 49,568.14 ho durasaun kontratu durante fulan 3, daudaun ne’e progresu fiziku atinze ona 95%. Projetu ida ne’e lokaliza iha Belulik Leten, Postu Administrativu Fatumea, Munisipiu Covalima.

Ekipa rua ne’ebé maka kompostu husi ADN no ME ne’e, halo mós monitorizasaun ba projetu konstrusaun foun edifisiu postu Unidade Polisia Fronteira nian ne’ebé maka implementa husi kompaña Kelukeke Unipesoál Lda. Projetu ida ne’e ho ninia montante kontratu hamutuk $ 115,129.64 ho durasaun kontratu durante fulan 3, daudaun ne’e progresu fiziku atinze ona 45%. Projetu ida ne’e lokaliza iha Belulik leten, Postu Administrativu Fatumea, munisipiu Covalima.

Iha oportunidade hanesan, ekipa rua ne’e halo mós inspesaun ba projetu konstrusaun postu UPF,TL-PDP ba melloramentu nian, ne’ebé maka implementa husi kompaña PatfurUnipesoál Lda. Montante kontratu ba projetu ida ne’e maka $ 35,454.48 ho ninia durasaun kontratu durante fulan 2, progresu fiziku atúal atinze ona 90%. Projetu ida ne’e lokaliza iha Lenkede, Postu Administrativu Tilomar, munisipiu Covalima.

Aleinde inspesaun iha Lenkede, ekipa rua ne’e mós halo inspesaun ba projetu rehabilitasaun edifisiu postu UPF,TL-PDP ezistente ne’ebé maka implementa husi kompaña Miluvili Unipesoál Lda ho ninia montante kontratu maka $ 49,532.78 ho ninia durasaun kontratu durante fulan 4, progresu konstrusaun atúal atinze ona 95%. Projetu ida ne’e lokaliza iha Walalama, Postu Administrativu Tilomar, Munisipiu Covalima. (Media_ADN)