Téknku Laboratóriu ADN no MOP Halo Teste DCP
- Publika husi: Maximiano
- Loron: 27/Jun/2025
Dili,27/06/2025. Tékniku sira husi Laboratoriu ADN hamutuk ho
tékniku sira husi Laboratoriu Nasionál MOP, iha Quinta-Feira (26/06/2025)
horseik halo teste kona- ba Dynamic Cone Penetration (DCP) ba item servisu
Embakment ba Projetu rehabilitasaun Estrada munisipál husi Laclo to'o kapitál
Laklo Sta. 0+000 - 18+500 - Lot 2,no mós Sesaun II Remexio 5,028 KM.
Projetu ida ne’e implementa husi Kompaña Maran-Dai, Lda sosiu
ho Adam Motor Unipesoál Lda.
Teste Dynamic Cone Penetration (DCP) maka métodu teste rai iha
kampu ne'ebé uza hodi avalia forsa, densidade, no kapasidade suporta rai nian,
liu-liu ba rai-leten (subgrade). Teste ida-ne'e uza bei-beik iha kampu
jeotékniku no konstrusaun estrada nian.
Teste DCP hanesan instrumentu ida ne'ebé simples maibé efetivu
atu avalia kondisaun kamada rai nian diretamente iha to'os. Ida-ne'e útil tebes
iha projetu estrada sira, aeroportu sira, no konstrusaun jerál sira seluk atu
asegura katak estrutura ne'e harii iha rai ne'ebé adekuadu.( MÉDIA_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;