Dili,13/06/2025. Ajénsia Dezenvolvimentu Nasionál liu husi nia Diretór Ezekutivu Sr. Rui Lourenço da Costa ne'ebé maka akompaña mós husi nia Adjuntu Diretór Ezekutivu Eng. Januario M.Guterres inklui Koordenadór sira, Assesor no Assesora Tékniku Nasionál no Internasionál partisipa iha enkontru Koordenasaun servisu ho parte relevante sira relasiona ho atividade konstrusaun foun Aeroportu Internasionál Prezidente Nicolau Lobato. Enkontru ida ne’e rasik hala'o iha loron Quinta-Feira (12/06/2025) horseik no realiza iha sala enkontru ANATL, E.P ne’ebé maka lokaliza iha Comoro,Dili.

Ba Media ADN Diretór Ezekutivu ADN Sr. Rui Lourenço da Costa informa katak,enkontru clearance ida ne’e atu hamamuk fatin ne'ebé maka aban bairua sei afeta husi konstrusaun foun Aeroportu Internasionál Prezidente Nicolau Lobato ida ne’e nian.

" fatin ne'ebé maka afeita,sei hasai hotu,no sei harii fila fali fatin temporariu ida hodi nune’e operasaun no servisu hotu-hotu iha aeroportu kontinua la'o hanesan baibain maske aeroportu iha hela konstrusaun foun. Hateten D.E ADN Sr. Rui Lourenço da Costa ba Media ADN. 

Diretór Ezekutivu ne’e hatutan katak, haktuir ba regulamentu ba jestaun konstrusaun Aeroportu, tengki hamamuk ona fatin no fatin temporariu tengki instala ona hafoin maka aeroportu foun bele konstrui. 

" esforsu ohin ne’e, esforsu ne'ebé maka hamutuk, ADN presiza atu halo hamutuk ho Obras Públiku ho mós ANATL,E.P hodi identifika fatin no mós diskute kona-ba fatin sa-ida deit maka presiza atu muda ,ne’e duni bazikamente ohin ne’e iha fatin haat (4) maka hanesan; fatin ba hodi rai mina (Aftur) nune’e bele halo avastamentu ba aviaun sira, tuir mai fatin ne'ebé maka atu tau jeradór , ida ne'e tengki garante katak seguru hodi opera nafatin, no mós ko'alia no haree hamutuk kona-ba fatin servisu operasionál nian, ida ne'e maka tengki garantia ninia fatin ida ketak, tuir mai kona-ba eskritóriu ba ema sira ne'ebé maka afetadu." Hatutan D.E ADN Sr. Rui Lourenço da Costa ba Media ADN. 

ADN hamutuk ho parte kompetente sira hanesan Ministeriu Obras Públiku liu husi Diresaun Edifikasaun, MOP liu husi Diresaun Edifikasaun no MTK liu husi PMU no ANATL,E.P halo ona identifikasaun ba fatin sira hotu iha áreadór aeroportu nian no fatin iha ona,balun ninia layout,Dezeñu PMU maka fo apoiu hodi halo no ADN hamutuk ho MOP no mós Tékniku sira husi ANATL sei tur hamutuk hodi halo nune’e iha tempu badak sei tengki remata dezeñu no ADN tengki halo verifikasaun ba dezeñu no BoQ no haruka hikas ba ANATL hodi nune’e haruka tutan ba Ministru Kompetente hodi bele lori ba iha Konsellu Administrasaun Fundus Infraestrutura (KAFI) hodi halo aprovasaun, informa husi Diretór Ezekutivu ADN. 

Diretór Ezekutivu ADN ne’e haktuir mós katak enkontru seluk ko'alia mós kona-ba oinsa maka apresiasaun ba dezeñu ne’ebé maka konsutór sira dezeña husi Japaun ne’ebé maka aprezenta tiha ona husi JICA kona-ba Aeroportu foun.

" ita ohin tur hamutuk halo apresiasaun jerál ida kona-ba sa-ida de'it maka presiza atu hadi'a,sa-ida de'it maka presiza atu ita rekomenda fila fali ba JICA atu nune'e bele tau iha termus referensias hodi bele remata tiha detail engineering, Desaing,molok ida ne’e halo ita mós presiza halo apresiasaun ida hodi fo atualizasaun ba KAFI maka iha ne'eba mosu desizaun importante katak Governu tengki ofisialmente hasai ona karta ida katak la-iha objesaun,ne’e importante tebes tanba Governu hanesan nain ba projetu. Haktuir husi D.E ADN 

Deklarasaun la-iha objesaun ida husi Governu hanesan nain ba projetu, ne’e importante tebes tengki halo para halibur opiniaun hotu,apresiasaun sira hotu lós ona aprezenta ba Ministru no ba KAFI hafoin sei lori ba Konsellu Ministru hodi bele hetan apresiasaun kuandu lós ona Ministru Kompetente sei hasai karta La-iha Objesaun hodi nune’e Governu Japaun liu husi JICA no mós entidades importante tomak iha Japaun bele avansa ona ho prosesu tenderizasaun ne’e duni prosesu tenderizasaun ne’e la'o maka fatin sira tengki mamuk ona.

Aleinde enkontru koordenasaun servisu, Diretór Ezekutivu ADN ho nia ekipa hamutuk mós ho Diretór Jerál Diresaun Edifikasaun husi Ministériu Obras Públiku no nia Ekipa, tékniku sira husi PMU/MTK no mós Prezidente ANATL ho nia ekipa halo mós observasaun ba areadór Aeroportu Internasionál Prezidente Nicolau Lobato hodi identifika fatin sira ne’ebé maka hanesan temi ona iha leten. ( MÉDIA_ADN)