Dili, 26/06/2025. Tékniku ADN destakadu iha munisipiu Bobonaro hamutuk ho ekipa tékniku Eletrisidade ADN halo inspesaun ba projetu konstrusaun foun edifisiu prototipu Sala-de-aula no sintina (Blokus 3) Ensinu Baziku Filial (EBF) ne’ebé maka implementa husi kompaña Novalo Unipesoál Lda no lokaliza iha Holsa Taz leber, postu Administrativu Bobonaro, Munisipiu Bobonaro.

Projetu ida ne’e nia nain maka Ministériu Edukasaun ho montante kontratu ho valór $ 103,880,91, durasaun kontratu durante fulan 6, daudaun ne’e projetu refere atinze ona 12,85 %.

Iha fali munisipiu Viqueque, ADN destakadu sira hamutuk ho ekipa tékniku M&E-ADN halo inspesaun retensaun pursentu sanulu (10%) projetu konstrusaun foun edifisiu, Armazén no paizajen ne’ebé maka implementa husi kompaña LM Caikasa Unipesoál Lda iha munisipiu Viqueque.

Husi rai ketan Oe-Cusse Ambeno, tékniku ADN destakadu sira hamutuk ho DNSAS RAEOA inklui kompaña implementadór halo inspesaun pursentu sanulu (10%) ba iha projetu Konstrusaun no Perfurasaun ba Sistema Fornesimentu Bee Moos iha Oenunu, Suni-Ufe Nitibe Oe-Cusse, RAEOA.

Projetu Konstrusaun no Perfurasaun ba Sistema Fornesimentu Bee Moos ida ne’e Diresaun Rezionál Infraestrutra ka Servisu Agua no Sameamentu (SAS) maka núdar na’in, ho valór kontratu hamutuk $ 273,074.06, projetu ida ne’e progresu fiziku atine ona 100%, projetu ida ne’e rasik hahu implementa iha tinan 2021 liu ba no responsabiliza husi kontratór Dacber unipesoál Lda. (Media_ADN)